星8卦｜「威哥」充阔佬个个月送老婆限量包包 自己悭家特卖场执平货

「威哥」情路都比较坎坷，以前同「鬼妹」拍拖，已经好似提款机咁任人揿，因为爱嘛。不过当时「威哥」仲系小角色，系公仔箱浮浮沉沉，但为咗令「鬼妹」威俾人睇，知道佢锺意某个牌子嘅手袋，都买咗几个俾佢傍身。

不过最离谱系乜呀？「鬼妹」一直嫌「威哥」无出息，想向「富二代」攀缘，点知攀着个破咗产嘅「富二代」，但为面子，周围话人听啲袋系「富二代」买，「威哥」又好似无乜嘢咁，佢话男人要大方啲，唔好太计较。

呢份唔计较，延伸到佢依家嘅老婆「俏俏」，受咗情伤嘅「威哥」好快就同合作开嘅「俏俏」情投意合，话晒「威哥」高大敦厚人品好，系圈中数一数二嘅笋盘。「俏俏」讲英文多过讲广东话，同「威哥」好夹，仲系有大把前途嘅时候接受求婚，毕竟「威哥」都一把年纪。

婚后三年抱俩，「俏俏」照顾家庭为乐，全职妈咪同仔女同学啲阿太妈咪多咗来往，人亦变得虚荣，返屋企成日要「威哥」买限量版手袋，以「威哥」唔系富豪级无Quota，惟有用炒价买袋嚟满足老婆嘅要求，以前就大时大节至会开声买靓袋，依家就月月要，搞到「威哥」有啲吃力。

加埋近年因疫情少咗好多嘢做，收入都系啱啱好，「威哥」惟有不停主动出击，有事无事都同啲客打下交道，希望搵多啲Job嚟养家。「威哥」咁多年都好悭，买亲啲衫都系减价货，出埠就去outlet执平嘢，用嘅都系平价货，连手机都唔舍得换新型号，男人娶唔到悭家淑妇都好阴功㗎！

【相关文章】：

星8卦｜「大眼」搞散老板头家 得罪正室被雪藏 结果要搵老衬埋单

星8卦｜「冠军」被利用拆散有妇之夫 结果情人遇意外变植物人 决心落仔再嫁有钱佬

星8卦｜「白净」恨做有钱人愈嫁愈豪 遇擦鞋仔投资错误冇咗一半身家！

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ