星8卦丨「细眼」抢阿姐工作捱闹犯众憎被迫收皮

做人最紧要系乜？有自知之明罗！以下「细眼」嘅故事大家值得借镜。喺旧公司「细眼」系一姐，间公司细咪做一姐，但去到大机构，仲以为好似以前咁咩，即时无车无司机，亦无专属经理人。

「细眼」初来到埗唔知掟，多多要求，人人都系一个经理人几份用，佢就要求多多，麻烦到死。无意中俾「细眼」知道有个大广告要搵公司其中一位阿姐级做代言，于是同经理人「Q姐」话好想拍，佢一向有大食大，对助手唔好就梗㗎啦，平时擦晒「Q姐」鞋，好说话讲尽又送礼，同「Q姐」话自己好有兴趣拍。

其实个客一直同「Q姐」表示想起用「镇宝」，唱得跳得名气够，只要「镇宝」肯接，俾多3倍钱都无所谓，问题系「镇宝」准备紧另一个大project，十五十六未揸定主意。
「细眼」见机不可失，竟然主动联络客户，话自己好有兴趣又可以收得平啲，点知个客一啲都唔受，仲打电话搵「Q姐」问点解咁突兀，激到「Q姐」走去搵老板投诉，毕竟「细眼」系「红人」介绍俾老板，未摸清底细，梗系唔敢乱嚟。

点知老板知道大怒，觉得唔尊重「镇宝」，即刻召「细眼」返公司训话，闹到狗血淋头。「镇宝」知道「细眼」咁多小动作，叫「Q姐」点都度期拍咗佢，好过益啲无谓人。

由头到尾都系「细眼」以为入到大公司身价唔同，仲可以作威作福，大把人俾自己驶，点知太好嘅自我感觉，令佢犯众憎，加埋嫁人后市场价值大跌，依家成日好似死狗咁过日子。

【相关文章】：

星8卦｜「威哥」充阔佬个个月送老婆限量包包  自己悭家特卖场执平货

星8卦｜「大眼」搞散老板头家 得罪正室被雪藏 结果要搵老衬埋单

星8卦｜「冠军」被利用拆散有妇之夫 结果情人遇意外变植物人 决心落仔再嫁有钱佬

 

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ