清明节热议「拜完山啲嘢唔拎返屋企食」 网民咁讲一听即明｜Juicy叮
2023-03-18 13:55 
清明将至，有网民在facebook讨论区发帖询问「拜完山啲嘢唔可以拎返屋企食？」获热烈回应，大都指「可以食」，但要「先人食先」。有网友则指，「拎番屋企太山长水远」，提出不少建议，如「拜完山，即刻野餐。正！」，但要留意食物卫生，「要计埋拎返屋企需要几耐时间，会否变坏食到肚泻」；有人则以「太公分猪肉」来形容，一听即明。
楼主指「屋企为咗唔使正日同人逼，提早拜山。以前拜完山啲烧味会拎返屋企食，但系阿爸唔知听边个讲拜完山啲嘢食充满住阴气，人拎返屋企食对身体唔好。明明以前咁多年都系咁食，大家咪又系冇病冇痛，而家先话唔可以拎返屋企食，仲要拜完阿爸先讲，等妈咪买咗啲烧味全部都要摆低，咁样好浪费食物呀！！」。
扫墓实况及网民回应：
回应的网友大都表示「可以食」：
•当然可以
•不嬲都可以！
•咁多年都有拎喎
•自己食返唔好嘥
•人哋话分享先人福气！
•会呀，放系到浪费，先人都唔like
•食咗几十年啦。法科师傅话冇问题
•平时见人哋都会食，咁生果就真系摆嘅
•一定会拎嫁......d屋企人会分咗烧肉返屋企煮
•唔好浪费食物，就当积阴德，我觉得无问题
•睇钱做人啦。苹果、橙、糕，见好多人唔要。原条烧乳猪，我就未见过唔要
不少网友还建议即食，「一家人一齐食」，指「拜完山，即刻野餐。正！」：
•通常都即食
•会，仲要即食
•一家人一齐食
•烧肉我们都是现场食
•一般会拜完就即刻食埋
•拜完山，即刻野餐。正！
•现场食，只不过系先人食先
•上次盒叉烧未落到山都己经食晒la
•通常拜山系成班亲戚10几20人一齐去，都会完咗就即场分来食
•拜山系自己亲戚冇所谓，冇需要咁拘谨，当然要计埋拎返屋企需要几耐时间，会否变坏食到肚泻
•拎番屋企太山长水远，又难分......一系系山度食咗去......一系去酒楼，畀钱酒楼斩咗去，一齐食......
另有网友提醒，祭祖的可以食，但鬼节作用烧街衣的就不要食：
•拜自己祖先嘅，可以食返；鬼节用嚟烧街衣嘅，就唔得
•拜完神同祖先嘅祭品当然可以食，食完仲可以得到祖先庇佑添，唔系乜嘢叫太公分猪肉，就系祭完祖大家分享；只有盂兰节祭野鬼d祭品系唔食得！
帖文来源：香港讨论区
相关新闻：
斗早扫墓？ 周日打蛇饼等车入曾咀 提早几星期拜山网民知点解......
同场加映：
黑衣人港铁乱打筋肉男 大只仔揪住讲足6分钟：大只唔代表要畀你打！
网络有影片热传，有筋肉男声称在港铁内被一名黑衣人无故乱打，筋肉男非常克制没有还手，报警后即时揪实黑衣人，举手机自拍讲足6分多钟作证据，期间屡爆金句，包括「我大只唔代表要畀你打」、「大只有咩犯规？」、「香港人唔会好似你咁，唔会走，承担罗」，引来网民热议。
事发在3月14日下午，地点在港铁旺角站。筋肉男捉实涉嫌施袭者，拿起手机自拍，并将影片上载其个人Instagram。
黑衣人施袭断正 大只仔6分钟精警独白｜足本字幕版↓↓↓↓
港铁发言人回覆传媒查询时表示，旺角站在周二（3月14日）下午约5时20分有2名男乘客争执，职员报警求助，期间曾劝告该2名乘客停止相关行为，并在场维持秩序，事件交由警方处理。
警方发言人表示，周二（3月14日）下午约5时23分接获报案，指有两名男子在旺角站打架，人员到场后拘捕一名姓卢(41岁)及一名姓何(31岁)男子，涉嫌「在公众地方打架」，两人报称受伤，由救护车送院。
----
《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料: https://bit.ly/3IMunqd
你的独家报料一旦被采用及报导，将获得乙份奖品。
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应