公审港男排队「摇身摇势」被围插 大妈高调撩战：「来吧！地点时间你定！」｜Juicy叮

有大妈近日在社交平台发帖，公审一名港男在银行排队时「一路摇唔停」，「你摇得过瘾，我睇得头晕」，公审帖文一出反招来大批网民围插，大妈未有示弱，高调撩战：「来吧片中人......你所受的伤害需要偿还......随时恭候，事发地点，时间你定！」

该大妈在本周四（30日）在「大埔TAI PO」FB专页发帖，帖文表示：「摇啊摇啊摇啊摇⋯⋯银行排个队一路摇唔停。你摇得过瘾，我睇得头晕。」

大妈公审港男「摇身摇势」反被围插 高调撩战全面睇↓↓↓↓

该大妈在本周四（30日）在「大埔TAI PO」FB专页发帖，帖文表示：「摇啊摇啊摇啊摇⋯⋯银行排个队一路摇唔停。你摇得过瘾，我睇得头晕。」

该大妈在帖文中又指出：「好彩人少，坚持咗十几分钟，希望无缘再相遇～企正前面，好难望唔到，因为唔阻到其他人所以无出声无影人面～新时代的节奏，摇啊摇啊摇～继续摇摆。」

帖文附有一段约有1分钟的影片，影到一名港男前后摇晃。

帖文同时附有网上资料截图，当中提到「站如松」，又指「姿态和步态不仅对健康有着重要影响，人的内在品格从举止风度上也可见一斑。」

帖文一出即引发数以百计网民回应，大多数网民批评大妈公审不合理。

起初网民据理反驳：「有咩问题？」「咁都要公审？」

有网民指：「有乜咁出奇，系食肆都见很多人印印脚，由佢。」

有网民表示：「其实佢跟住音乐摇摇下排队 时间快过又冇你企定定咁攰喎。」

有网民亦起底发帖大妈，找出她的住处及工作地点。

网民开始人身攻击：「X姨.. 佢睇见你个靓样，差啲晕呀！扶住佢啦......仲影。」

有网民批评：「你呼吸令我好痛苦。」「唔好再出街。」「X姨你以后留在家中咁就唔会晕。」

「其实我见到你个样都头晕 你可唔可以唔好出嚟吓人？」

「我都奇怪，今日喺银行有个女人，点解个样咁肉酸都出街......完全系影响巿容，原来企我前面嗰个系你。」

有网民甚至模仿大妈原帖文模式，写讽刺文，公审大妈排队时「呼吸」。

「我就排你后面再后面……银行排个队一路呼吸唔停。你吸得过瘾，我睇得头晕，好彩人少，坚持咗十几分钟，希望无缘再相遇......」

被公审的事主其后亦在网上现身，回应事件。

该事主发帖表示曾留言，但被大妈「封锁」：「你好呀！我系本人呀！我未留言你就封人留言…」

因此要发帖澄清：「唔好意思！我自己摇原来都会犯亲你…都要俾你影相…点解你唔当时叫我唔好摇呀？我都留意到你呀！」

帖文又谓：「因为你个人太高大同大份呀！我咁细粒个人好孱…我曾经排太耐队到见晕作呕呀！所以我企唔定摇下分散下…」

大妈面对不少网民批评，毫无惧色，她在个人社交媒体专页中发多个帖文挑机。

该大妈同时po片嘲笑「摇身摇势」港男。

该大妈写道：「来吧片中人，自称片中人的那位，你所受的伤害需要偿还，拿起法律武器来维护权益，随时恭候，事发地点，时间你定。」

帖文又谓：「其实都几搞笑吓奥，去银行排队，系我前面个人一路摇，摇到我唔舒服，发个贴抒发情绪，我无影人面部无人知佢系边个系咪？却引来大批声讨，新人类呀。」

大妈又再发帖文：「要批斗你都给你正脸了，一个看不出片中男女的贴子，引来一群狗吠～我行我素，你奈我何！我就是看著头晕。」

大妈今日(1日)已删除有关帖文，其个人社交媒体专页，全部帖文亦已清空。

帖文附有一段约有1分钟的影片，影到一名港男前后摇晃。

帖文同时附有网上资料截图，当中提到「站如松」，又指「姿态和步态不仅对健康有着重要影响，人的内在品格从举止风度上也可见一斑。」

被公审港男现身回应

帖文一出即引发数以百计网民回应，大多数网民批评大妈公审不合理：「有咩问题？」「咁都要公审？」有网民甚至人身攻击。

被公审的事主其后亦在网上现身，回应事件：「因为你个人太高大同大份呀！我咁细粒个人好孱…我曾经排太耐队到见晕作呕呀！所以我企唔定摇下分散下…」

同场加映：巴士阿叔闹喊少女阻落车 坐隔离赖死唔郁 网民指一句话露色心↓↓↓↓

本港社交平台上月（3月）18日热传一段阿叔大闹城巴的影片，有大叔坐正少女隔离，少女欲下车竟坚拒不「放行」，引来司机干预，但大叔竟发狂闹喊少女，网民点出大叔骂语中有一句话已显露其色心。

本港社交平台上月（3月）18日热传一段阿叔大闹城巴的影片，有大叔坐正少女隔离，少女欲下车竟坚拒不「放行」，引来司机干预，但大叔竟发狂闹喊少女，网民点出大叔骂语中有一句话已显露其色心。

（事件发生在天水围，时间在本周三（15日）晚上。）

（涉事巴士为城巴967X，来往天水围（天恩邨）及铜锣湾。）

（有乘客拍摄到事发情况，片长约45秒。）

（事发在巴士上层。）

（有网民表示，当日司机接获其他乘客求助，到上层协助。）

（影片看到现场有不少「吉位」，但有网民怀疑其他乘客因事件发生已经「落晒车」。）

（影片中鸭舌帽大叔坐在一名长发少女隔离，巴士司机则站在两人前面）

巴士司机：大家都系公民嚟啫，就一就啦。

大叔：咁你咪自己行罗。

大叔：有咩咁大件事呀。

巴士司机：咁人哋系女仔，让吓女仔呀。

大叔：女仔惊乜嘢呀？

巴士司机：让吓女仔啦，让吓女仔啦。

大叔：唔系呀，女仔惊乜嘢啫，依家佢。

巴士司机：唔系，让吓女仔。

大叔：惊我非礼佢？

巴士司机：唔系，唔系，即系唔系呢个意思，大家就一就啫。

巴士司机：佢又惊大家撞到你。

大叔：唔紧要呀，咪撞罗。

大叔：唔紧要呀，我都唔怕畀佢撞，你咁惊仲乜啫。

巴士司机：咁咪大家就一就罗。

大叔：点解要就呀？

大叔：就咗畀佢啦，咁样仲唔够呀？（大叔这时身体略向左侧一侧身）

大叔：点解要企起身畀佢呀？佢大啲？

巴士司机：唔系呢个问题呀。

大叔：哦，即系皇帝嚟嘅？

巴士司机：唔系，唔系皇帝。

大叔：武则天女皇？

巴士司机：唔关事，唔关事，大家就一就。

大叔：真系神经病。

大叔：已经就晒佢啦，已经咁啦。

大叔：仲唔够过呀，你咪事呀？

巴士司机：唔好意思，真系，哎呀，佢又喊啦......（影片至结束）

网民批评该位大叔拒绝起身，让少女离开。

有网民指出，当时大叔背后有吉位，其实可以转到吉位坐，让少女行过，「后面已经系吉位，佢起都起唔到身，咁应该落唔到车。」

有网民表示认得大叔，「呢条友经常以呢个方法搏蒙㗎。」

有网民建议司机可以报警，因为有关大叔疑正在骚扰其他乘客。

网民：「条片睇到好多空位，点解咁多位，系要咁坐埋去，乜嘢居心？」

网民：「后面已经系吉位，点解佢唔起身？」「应该叫个女仔照出嚟，睇吓阿叔系咪非礼？」

有网民指出，大叔的骂语中「我都唔介意比佢撞」一句，已经透露其动机疑似「搏蒙」动机：「自己都讲咗出口其实想点啦。」

 

详情浏览：巴士阿叔闹喊少女阻落车 坐隔离赖死唔郁 网民指一句话露色心

 

------
《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料: https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ