星8卦丨「大波」为老细收埋身材被后生仔睇中包养博从良

要知点解「大波」突然扮纯情，明知自己副架生系卖点，当初唔系抛个胸出嚟，真系搵鬼识你咩？不过佢胜在五官骨子，鷄味够重。

「大波」最叻玩失踪，只要有一排唔见咗人，肯定就系跟咗老细食大茶饭，最嫩口嗰阵畀「江湖」收埋3个月，收咗层千几万嘅楼，虽然唔系一笔付清，但生生性性廿岁出头有楼揸手已经好好。

之后佢又出嚟做穿花蝴蝶，四围识老细，最近佢又同啲客讲唔可以露太多，收起性感咁话！啲客系背后妈妈叉叉，仲话无端端突然扮上菜，唔系肯露边个想搵佢？又唔系特别靓，要扮纯情，成条街任拣啦！

实情系「大波」呢排生意好好，同一时间招呼几个老细，嚟自北方就唔驶讲，连隔离埠都有男人生滋猫入眼。「大波」好均真，一口价包几多个月，边几日见面，所以安排得非常安全，所有男人都唔知道对方嘅存在。

而最新要经营嘅，竟然系一个屋企好有钱，又高大靓仔嘅「后生仔」，连大波都估唔到呢位仁兄对自己有兴趣，为因佢有一个又红又有钱嘅女友「石姐」。两个人一直被视为金童玉女，朋友都等紧两个人嘅喜帖，点知「后生仔」原来对呢类身型嘅女人有兴趣，由于家族啲钱驶唔晒，所以沟女一直好叻，要追边个都得手。不过「后生仔」好清醒，话明同「大波」系交易，一星期陪自己一日，但酬劳唔错，「大波」心头有啲高，依家成日谂住可以fight低「石姐」，咪要扮良家妇女搏一搏！

【相关文章】：

星8卦丨「型佬」娶错老婆刻薄家婆 悭大唔悭细神憎鬼厌

星8卦丨「朱女」嫩妻妒忌心重 管制「阿叔」与世界隔绝

星8卦丨「男仔头」衰cheap得罪老细 学精遇大少修成正果

 

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，WhatsApp 91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ