初选案│称抗争派坚持「议会揽炒」 赵家贤 : 佢哋重清楚讲明我而家喺红线里面

民主派47人参与「35+」初选，涉嫌争取立法会过半无差别否决财案被控，16人否认串谋颠覆国家政权罪。赵家贤今午于西九龙法院忆述戴耀廷「唔觉得佢文章有咩问题，因为冇追溯力」。当《国安法》生效后，赵形容戴耀廷「谂住力挽狂澜将大家言行统一嘅时候，本土抗争派7月15日就出咗呢啲讯息，就系本身戴耀廷希望将大家踩到红线拉返出来嘅时候，佢哋重清楚讲明我而家喺红线里面」。

岑敖晖 : 立法会议员系绝对有权否决每一个议案

副刑事检控专员万德豪播放2020年7月15日抗争派记者片段，岑敖晖扬言「财政预算案系咪会否决，我相信呢一度全部都系好坚定咁我系行使⋯⋯如果我哋能够进入议会嘅语，我哋系会好坚定地行使《基本法》赋予畀代议士嘅权利，所以答案系『是』嘅。」及后岑再指「其实如果佢系⋯⋯如果香港系已经系落实咗五大诉求、如果系有真普选嘅话，我相信呢我哋系会有磋商嘅空间，但系如果仍然今日系暴政当道，魔警横行嘅话，我相信我哋系无论咩嘢内容都系会否决呢一个财政预算案嘅。」岑敖晖最后重申「一个代议士，一个立法会议员系绝对有权利喺每一个法案、每一个议案、每一个拨款都系投否决，呢一个系喺《基本法》赋予每一个立法会议员非常之清晰嘅权利。如果啖样系涉嫌颠覆国家嘅话，我非常之期待北京或者国安处或者林郑，因为一个议员狂投否决票而将佢哋送入监牢，乐见其成。」

赵家贤7月15日发文指「会谨守岗位，坚持合法实务工作」，翌日却宣布退出，万德豪追问记者会中何以为赵家贤取态带来转变，赵引述记者会中有人发言要「议会揽炒」，即带来肢体冲突或投反对票，到政府因否决财案一事DQ议员，发展到国际社会围堵中共，美国签署法案制裁中港官员等，认为其目标不会效忠《基本法》和特区时，进而会抵触《国安法》，当时以恒常思维人士去判断，清楚知道要即刻退出。

赵形容当戴耀廷「谂住力挽狂澜将大家言行统一嘅时候，本土抗争派7月15日就出咗呢啲讯息，就系本身戴耀廷希望将大家踩到红线拉返出来嘅时候，佢哋重清楚讲明我而家喺红线里面咁款」。李官追问下，赵解释当时曾与戴通电话，覆述戴指「有啲候选人言论可能已经过咗界。跟住佢有睇到文汇大公等建制派媒体报道，而佢当时就首先觉得根据普通法呢，法例订立系根据material date（案发日期），冇得追溯嘅。喺佢角度唔觉得佢文章有咩问题，因为冇追溯力，就《国安法》7月1日生效嘅」。赵续指而因为《国安法》生效，「35+」计划参与者言行会对计划有所影响，故戴发讯「实际效果想做到统一口径，沟通之后我意识到佢系想将整件事由踩到界拉返出来」。

李官就记者会提及参选人或需签署确认书，查问何谓确认书。赵解释选举本身没有确认书，惟直到2019年区议会选举前始出现，「有啲参选人冇签但系可以入闸，有啲参选人有签但唔可以入闸」，然而根据法例没有订明参选人需要签署确认书，「所以其实系一个行政措施，佢有冇签但都系由个选举主任决定能唔能够入闸嘅」。赵说明确认书内含拥护《基本法》效忠香港特别行政区条款，亦会「将一啲《基本法》条文特别提出来要提名人士确认签署」，而初选提名表格内含拥护效忠条款，实际上包含所有《基本法》条文及附件。

李官问到如非计划有变，香港民意研究所民意调查本来是否「35+」计划组成的一部份，赵同意惟补充指细节上有不同，民研一向有进行立法会选前民调，以滚动形式让公众参考每星期的支持度趋势。赵续指如民动继续参与计划，赞助民调，民研将收集各大选区有效数据，在选前1星期公布各出选团队支持度高低，以助配票。赵另提到选举延期后，民动同年8月底9月初将部份款项捐赠民研，因为戴当时希望将众筹当中80至100万款项交予民研研发新投票系统，以供民主派人士当选后、特首提交预算案时所用。

法庭记者：陈子豪

---     
《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料: https://bit.ly/3IMunqd   
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ