星8卦丨「有脑」自细贴鬼无要求 「鲜肉」包养要做良家妇女

自细认识「有脑」嘅人都话佢无整过，问题系佢入行之后，一直靠身材搵食，未曾泊到好码头嘅时候，「有脑」个胸一直似爱美神飞弹咁坚挺，但近年佢嘅身材时大时细，都引为城中佳话。

有名你叫，「有脑」一向好识为自己打算，要一个屋村妹喺娱乐圈要出位，唔放得低又真系无乜机会。最大问题系「有脑」唔多靓，一直以嚟最得啲鬼佬欢心，偏偏埋身都系名副其实嘅死穷鬼。

细细个未够秤佢就开始凑鬼，而且仲要搵埋钱嚟贴鬼，激到佢势利老母生虾咁跳，好彩「有脑」叫做顾家，搵到都唔待薄屋企。如是者贴鬼贴到闷，「有脑」系唔觉意嘅情况下遇到「鲜肉」，呢位仁兄虽然有老婆，但只要一见到身材正嘅女仔，就会搵中间人希望结识，原来佢一直对「有脑」好留意，只欠机会做密友。

阿妈见到「鲜肉」衰衰地都有10位数身家，梗系唔俾「有脑」被飞，于是好出力咁迫阿女做「鲜肉」嘅情人，因为下半世完全唔驶忧。「有脑」虽然有奢想过做正印，但谂到自己嘅出身，又有啲压力。「鲜肉」要求佢从良，所以连衣着打扮都收敛，做番个贤淑好女人。

【相关文章】：

星8卦丨「大家姐」转脾性要人服侍 事事要求神憎鬼厌

星8卦丨「才女」自以为靓恨做幕前未如愿 煽动公司一姐失败即炒

星8卦丨「西瓜」出埠食女戒心重 手段高一晚三个至够数星

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，WhatsApp 91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ