星8卦丨辣妹有个威猛老豆搞到才华被埋没无运行

2023-05-09 10:00

「辣妹」如果唔系因为有个咁硬嘢嘅老豆，佢参加歌唱比赛应该赢到开巷，唔使好似依家咁郁郁不得志。大家唔系好想畀「纯情」跑出，明知结果会好似依家咁，水静鹅飞，因为「纯情」嘅实力系表面风光，反而输家「辣妹」自细受训练，天份唔够都磨练到好见得人，加上佢份人认真又有啲天份，放弃香港嘅一切去流浪，食过唔少咸苦，份人都几踏实。

可惜人真系无得拣老豆老母，之所以佢有本钱由细到大都做自己想做嘅嘢，都系因为有个够恶嘅老豆「大哥」。

有名你叫，「大哥」唔止系一个地方巴闭，佢名下好多唔正当嘅生意，半条街嘅细路跟佢搵食，照计呢啲人出身，又点会生到个咁有才华嘅下一代，偏偏「辣妹」完全唔想同「大哥」有太深嘅联系，可能细细个出走都系避免太扯上关系。

今次真系俾「大哥」连累架，主办方点都要check下所有参赛者嘅背景，「大哥」嘅事迹江湖中无人不知，主办方怕麻烦自然要令「辣妹」低调啲，连上位都揿住，搞到「辣妹」无晒心机，但又唔可以出声，费事老豆「大哥」发癫搞到大家仲更加收唔到科，「辣妹」唯有离港冲出去至有运行，唔系啲才华就一世被埋没咗！