专栏｜马模赫根前列战「大」有可为

上个星期日艾尔同小乔评述浦和红钻对大阪飞脚嘅日职赛事，再次多谢各位听众嘅支持。今次反应都算唔错，而欧洲五大联赛接近尾声，希望之后有多啲机会评述日职啦！

今个星期日无日职赛事，艾尔同各位飞去北欧，分析吓马模对赫根嘅瑞超赛事。联赛班霸马模上季只能够以第7名过终点，表现当然唔及格。今季转咗土炮教练轩历列斯唐之后，表现大幅改善，开季八场全胜只系失4球，近5场转打三中坚阵式之后，总共入咗17球。特别留意球队射手艾锡泰连，今季上阵8场入8球，呢位30岁前锋入球效率远比上两季理想，配合艾尔几锺意嘅翼锋维基亚，马模今季前綫组合几厉害。

当然，今次对手赫根话晒都系上季联赛冠军，都不容忽视。上季赫根表现神勇，主要因为有联赛神射手谢列美谢夫嘅高强入球能力。呢位瑞典籍前锋今季已经转投他队，但无损球队火力，开季8场入23球。上季因伤而全季缺阵嘅前锋宾尼查奥尔，试过今季对哈马比嘅赛事上演帽子戏法，系马模今场嘅心腹大患。

两队过去5次碰头都入至少3球，今场系非常关键嘅前列大战，艾尔推介入球大细2.5大。艾尔

-----

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ