79岁冯淬帆激罕受访现老态 盼趁健康拍「遗作」抗拒再演喜剧
2023-06-04 19:00 
80年代凭《精装追女仔》、《最佳损友》、《五福星》系列深受欢迎的冯淬帆，原来今年年底将踏入80岁，日前他接受资深制作人杨绍鸿的节目《台友情缘的岁月》访问，他希望趁身体还健康时，拍一套「遗作」：「题材我仲未谂到，不过我唔想拍喜剧。」
【相关阅读】：王晶被闹「王八蛋」121字反击冯淬帆有被害妄想症 句句有骨闹埋移台港人
【点击冯淬帆最近新况】：
人称「阿紧」的冯淬帆于1965年入行，曾效力无綫、亚视及佳视三间电视台，任职演员、导演、监制及高层，后期转投电影圈发展，《最佳损友》饰演牛精帆，凭精警对白：「香蕉你个布冧」、「金山橙你个提子呀！」以及《精装追女仔》中「收缩水」一幕而深受观众欢迎，后来冯淬帆移居在台湾定居，甚少在香港出现！今次冯淬帆现身接受访问，外形确实是苍老不少，但对答如流。不经不觉，冯淬帆入行已经超50年：「好多人以为我系拍电影，其实系先拍电视，畀楚原睇中咗之后先拍电影，合作过两、三套电影后，跟楚原学做导演！」
冯淬帆曾经在TVB担任导演，期间发生被「炒鱿鱼」事件，他说：「系我喺TVB发明拍外景，因为锺景辉先生冇电影嘅感觉，后来佢将我升做导演，做咗一年左右畀TVB所谓『炒鱿鱼』，但我系唔认，系我发脾气话自己唔做，件事好多人都知。」他续说：「嗰阵喺餐厅食饭时有个鬼仔过嚟搞我，我记得我搵糖泼佢，嗰个鬼仔真系好乞人憎！但原来佢系股东嘅屋企人，锺景辉就话冇办法帮到我，唔知对方系股东嘅孙定仔，一定话要炒我，咁我就话好呀！我辞职，咁到底系边个啱都唔知。」
虽然在镜头前的冯淬帆谈笑风生，不过镜头后的他态度严肃，令不少人「闻风丧胆」，他更因为有「阿紧」这个花名，但冯淬帆表示：「其实系我恩公后叔（陈有后）叫我做『阿紧』，啲人咪开始跟叫，到咗我做导演，啲人叫我做『紧张大师』，嗰啲唔系叫好紧张，系叫认真，你冇见过我拍戏会好赶时间嘅？我系好有计划，但系好认真冇紧张，变得好大脾气。」他又说：「我拍戏系冇得倾，最好朋友都反面，私下同我越老友越死得惨，如果系我老友，乱嚟嗰阵唔闹你咁又点得，啲人会点睇？」谈到过往的作品，冯淬帆最喜爱的竟然是这两部：「我最锺意一套系我做演员嘅《癫佬正传》，同埋我导演嘅《爱的逃兵》，但观众都系记得我做嘅喜剧，我唔知点解，即系话我唔识做戏？剩系识做喜剧？」
目前冯淬帆处于半退休状态：「喺香港最后一套叫《老笠》，直到最近先有客串，我成日谂一个人要有遗作，自己导演比较锺意啲嘅戏。题材好难讲，真系准备时先会知，又唔轮到你话唔睇市场，但系我唔想太迎合，唔系就拍畀自己睇啦！主要系唔想拍喜剧，可能我自己唔演，做导演都未定，呢个仲未好深入去谂，只系希望身体仲可以就拍呢套戏。」
【其他文章】：
姚子羚加国探小背心锺嘉欣 网民集体回忆15年前《金石良缘》姊妹情
万众同心公益金2023丨夏大卫博士4.5万尺家族大宅开金口 巨型壁画雕塑具气派
陈凯琳4岁大仔鬼马整包老师赞有天份 网民揭秘呢个部位够大有福气
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应