一舞倾城丨陈法蓉自爆嫁唐文龙婚纱只值几百蚊 大结局有舞小姐MMA！
2023-06-13 17:00 
TVB剧集《一舞倾城》今晚（13日）将会播出大结局！昨晚播出的一集，「青龙」唐文龙与「沙律妈」陈法蓉婚礼期间，被「麻鹰」李嘉枪杀，陈法蓉在认尸场口上上演近三分钟独脚戏，大晒层次式喊戏。
【相关阅读】：一舞倾城剧情丨第22集大结局剧透！杨明拔枪郑恕峰血溅灵堂 蔡洁陈星妤有好归宿
【点击睇陈法蓉几百蚊婚纱】：
陈法蓉进入停尸间后，先是强忍泪水与已离逝的「青龙」唐文龙闲话家常，细诉以往甜蜜回忆，直到说出「我真系冇嘢呀」时，得不到回应的陈法蓉崩溃爆喊说：「我真系好嬲你，你明明同我讲过你会同我一齐到老，你做唔到做咩应承我…」、「我等咗你十几年喇，你点解要抌低我一个…我冇咗你唔得架…」之后陈法蓉为唐文龙送上最后一吻，令人动容。
讲到这场认尸戏，陈法蓉受访时透露：「我都唔知拍咗几多分钟，净系知道编剧想我喺呢场戏演得比较有层次，入去时就若无其事倾吓偈先，之后慢慢进入状态喊出嚟。」陈法蓉指原本还担心演出达不到导演要求，她说：「拍完即刻冲去导演房问得唔得，点知有个演员指住导演，之后我见到导演抹紧眼泪，佢隔篱个演员又抹紧眼泪，佢哋话觉得好好睇同埋好感人。」陈法蓉还分享了结婚戏趣事，她说：「结婚戏其实好开心，因为件婚纱都用咗好长时间搵，最后终于搵到一件几百蚊、又好见得人嘅婚纱！」
李嘉饰演的麻鹰坏事做尽，昨晚终于中枪身亡。在剧中衰到出汁的李嘉，接受访问时被问到出街有否被街坊闹？他笑言：「出街又冇畀人闹，但出嚟反应有两种，有一种系眼神有啲畏惧，另外一种就相反，一见到我就叫大佬，话我演得唔错。最紧要观众睇得开心，对我嚟讲都系一种鼓励。」
讲到演麻鹰最大挑战，李嘉说：「最大挑战系同鱼旦妈（庄思敏饰）嘅感情戏，我自己以前拍嘅戏、男女之间感情好少咁深入，同埋我同屠伯（郑恕峰饰）之间嘅父子情，都要用好多感情去演，系我演艺生涯嘅新尝试。」提到剧中有不少亲热戏，问事前有否向太太备案？他笑言：「都有同老婆提会有亲热戏，老婆都好理解我作为演员嘅工作，作品拍完一出街，佢都会一齐睇畀意见，同我讲点样可以演好啲，都几开心嘅。」
今晚大结局，沙律将会和一班姊妹设局，诱骗屠伯自爆犯罪真相，而为夫报仇的沙律更会做出一个惊人举动。另今晚鱼旦妈将率领Paula（傅嘉莉饰）、巴巴拉（庄思明饰）和媚媚（赵硕之饰）上演摔跤大战，她们将与另一班舞小姐在擂台上激战，画面吸睛。
【其他阅读】：
东张西望丨东张女神梁敏巧小背心又出动 网民错重点担心受访者：另类测试？
爱回家丨杨明做戅直私生子挽形象？ 跟庄思明拍处境剧塑造入屋机会
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应