男子将军澳护花起冲突 白衣汉疑扮跌报警求验伤 网民嘲：行路遇上碰瓷党｜Juicy叮
2023-07-15 10:02 
将军澳彩明苑一名女子前晚（7月13日）被一名男子行近，女子男友护花心切，在街头与对方发生争执，该名白衣汉却突然扮跌，整个人倒地并飞出眼镜，事后更报警求助，声称被人推跌，要求验伤。
双方在屋苑人来人往的通道扰攘，过程被相信是女事主拍摄下来，看过长5分55秒短片的网民笑指白衣男为路上的碰瓷党，称「揸车有碰瓷党，依家行路都有碰瓷党」。
将军澳护花争执事件逐格睇 ＋ 网民机警回应↓↓↓↓
片中所见，戴眼镜的白衣男相当难缠，不时笑笑口，淡淡地地向对方步步进逼，涉事情侣显得相当无奈。涉事2男1女详细对答节录如下：
女朋友（疑似拍片人，无出镜）：你做咩要黐过嚟啫
白衣男：你郁手
男朋友（黄衣）：你咪打我罗
白衣男：你系咪想郁手吖
男朋友：我唔系郁手呀，你唔好再向我女士埋身咯
白衣男：咪住
男朋友：唔该你褪开啲
白衣男：你而家郁手呀
男朋友：你唔好再
女朋友：我冇郁过手
男朋友：唔好再行前
女朋友：冇郁过手
男朋友：唔好再行前
女朋友：你唔好再黐埋嚟啦
白衣男：哦呜呜......呜呵呵（边叫边突然跌倒地上）
白衣男：哎，你咁嘅（跌倒地上后）
男朋友：唔好再行前
女朋友：哎吔，哎吔，我惊㗎
女朋友：你唔好咁样啦
白衣男：哗，呀（站起后弯身执起跌于地上的眼镜）
女朋友：好丑怪呀
男朋友：唔好再行，你唔好再行前，唔该
白衣男：你有推
男朋友：唔好再行
女朋友：你好丑怪呀真系
男朋友：你做咩行埋女士度呢
白衣男：呢度系Public（公众）嚟嘅
女朋友：系Public嚟系
白衣男：我向边一边行系......
男朋友：唔好再行去我女士身边
白衣男：你真系唔好撞到我
男朋友：你唔好再过嚟，唔好再过嚟，唔该，唔好再过嚟
白衣男：（拿出手机按键，顺势挡男朋友（黄衣男）埋柱，并以手压著对方）
白衣男自行报警兼步步进逼
女朋友：喂，你唔好咁样啦......
女朋友：可唔可以帮我报警呀（对路人讲）
女朋友：有冇人可以帮帮手呀（对路人讲）
男朋友：喂，唔好......女士身边呀
男朋友：你报呀
女朋友：可唔可以帮我报警呀（对路人讲）
白衣男：你好，呢度系彩明苑（已报警，正跟警方对答）
白衣男：我想报警（跟警方对答）
白衣男：啱啱我畀人推跌咗（跟警方对答）
女朋友：唉，真系好笑
白衣男：系呀，冇错，因为，我觉得系要验伤（跟警方对答）
女朋友：哈
白衣男：系（跟警方对答）
白衣男：我，我用只手压住咗佢（跟警方对答）
白衣男：系，我依家喺彩明苑（跟警方对答）
白衣男：系，彩明苑呢度系（跟警方对答）
女朋友：喂，阿Sir快啲嚟啦（疑似隔空喊话希望警方听到）
女朋友：我觉得我男朋友畀佢压住咗呢
女朋友：佢有啲问题呢，你唔嚟嘅话，我哋系会受伤害罗
白衣男：我哋呢度，系，应该彩明（跟警方对答）
女朋友：宝觉中学后面呀，宝觉同埋明道小学中间嗰条走廊
白衣男：系，咩话，Sorry，系，喺路边（跟警方对答）
女朋友：唉（叹气）
男朋友：喂，你咪借啲意先得㗎，你借啲意打我，你唔好再掂我啦（被白衣男挥手扫到头部）
白衣男：你唔好行呀（接著向警方讲手机号码）
女朋友：痴线㗎
男朋友：你唔好行埋嚟，你唔好行埋嚟
女朋友：喂，救......
女朋友：有冇人，有冇人可以
男朋友：你唔好捉住我
女朋友：有冇人可以
男朋友：你唔好捉住呀
男朋友：嗱，阿Sir见到呀，同你讲，你唔好再捉住我
男朋友：我唔会走，我同你讲，你呢条友，你系咪傻㗎你呀
男朋友：你系咪揸白卡㗎，你身上系咪有刀呀
男朋友：你唔好再咁样
白衣男：系，冇错（回答警方）
白衣男：佢冇（回答警方）
白衣男：唔识（回答警方）
男朋友：你唔好以为报警呢，就唔系你问题啦
男朋友：你想揩，你想揩个女士呀嘛
白衣男：36（跟警方对答）
男朋友：嗱，你企喺呢度，我企呢度，点解你要埋嚟呢？
白衣男：你可唔可以派咗警察过嚟了解先
男朋友：你冇再埋嚟，嗱嗱，一人一个格，你企过嚟做乜ｘ嘢呀，你系咪傻㗎
白衣男：我惊，我惊佢
女朋友：唉（叹气）
男朋友：你惊你老ｘ咩，一人一个格啦
女朋友：真系嘅，真系嘅，警察，你呢度快啲派人嚟啦
男朋友：一人一个格呀，你老ｘ听唔听到呀，冚ｘ铲
白衣男：我听唔到，我听唔到你讲咩呀
女朋友：唉，可唔可以快啲派人嚟呀
白衣男：应该系擦伤，冇出血过，因为只手攞紧电话（回答警方）
白衣男继续向黄衣男（女子男朋友）进迫：
男朋友：唉，梗系冇出血啦你，ｘ你老ｘｘ
女朋友：佢自己瞓低㗎咋
女朋友：佢自己瞓低㗎咋
女朋友：我其实拍晒片㗎喇
女朋友：你快啲搵人嚟啦，我哋走唔到呀咁样
男朋友：你，拍片嗰下你都瞓低
男朋友：你傻仔
女朋友：唉（叹气）
白衣男：系（继续回答警方）
男朋友：又唔系打，你又唔系打我，你打，嗱嗱声打我啦
男朋友：喂
女朋友：你唔好成日掂佢啦
男朋友：你唔好成日掂我啦
男朋友：影住㗎
白衣男：影住（手机已收线）
男朋友：我无走，嗱，一人企一个格
男朋友：识唔识听，识唔识听中文
白衣男：唔识
男朋友：咁咪戆ｘ罗，ｘ你老ｘ罗
白衣男：咩话，咩嚟㗎
男朋友：咩咩嚟㗎
白衣男：喂，咩嚟㗎
女朋友：唔好再郁身郁势啦
男朋友：你唔好成日郁身郁势啦
男朋友：你唔系大只㗎咋
男朋友：你系傻仔嚟㗎咋
白衣男：点解我唔指得你呀
男朋友：唔指得我咯
白衣男：咁样指来指去有咩谓
男朋友：无呀，你咪指罗
白衣男：你唔好走呀你
男朋友：我唔会走
女朋友：我真系无谂住走
女朋友：真系冇谂住走呀
男朋友：为民除害，搅ｘ你罗，冇所谓嘅，大把时间
女朋友：真系冇谂住走
白衣男：边个搅ｘ我
男朋友：ｘ你老ｘ，差佬搅ｘ你罗，唔通我搅ｘ你咩
男朋友：傻ｘ
男朋友：你唔好走
男朋友：你唔好再行咁近啦，ｘ你老ｘｘ，死基佬
男朋友：做咩啫你，你好锺意男人咩
男朋友：我都冇走过
男朋友：一人一个格，嗱，我企呢度，你企呢度
男朋友：有咩问题啫
白衣男：就算锺意男人都系唔锺意丑嘅
男朋友：我唔理你丑唔丑丫，你碌嘢，ｘ你呀老ｘ，你做咩系咁＂哄＂埋嚟呢，你系咪傻㗎呢
男朋友：我冇走过，企喺度，我做咩走，嗱，大家有个距离得唔得呀
白衣男：我跑得好慢
男朋友：我唔使，我，我唔使呀
男朋友：我同你讲，我做咩要走，做咩咁近啫
男朋友：做咩要咁近呢，我就从来冇走过，我做咩要走呢
男朋友：我好想睇，睇下你个差佬
白衣男：企定定啦
男朋友：我咪企定咗，你唔好企前，嗱
男朋友：你又企定呀
男朋友：你个傻ｘ，做乜ｘ嘢，你做乜ｘ嘢
男朋友：企咁前做咩
男朋友：你做乜ｘ嘢
男朋友：你起晒衫袖，又唔系打我
男朋友：我唔会淆，我唔会惊你㗎呢度，你大陆系惊你啫
男朋友：你冇傻啦，傻仔
男朋友：你呀，一系，嗱，我，而家你碰我一次，你跌多次，我表演多次罗
男朋友：系咪呀，你啱啱先掂完我啫嘛，又叉我颈，系咪
白衣男：唔畀你走
男朋友：你咪唔好畀我走罗
男朋友：你叉我颈吖嘛
男朋友：系咪呀，你睇下边个蚀咯，嗱
男朋友：我一阵同你讲，阿Sir嚟到呢
男朋友：你唔好同我道歉
男朋友：我唔ｘ受嘅
男朋友：你唔好ｘ同我道歉呀
男朋友：我一定上差馆呀，同你讲
事件中无人受伤无人被捕
警方指，前日（13日）晚上9时13分接报，报案的是一名38岁男子，涉事的另外两人为一名29岁男子，和一名26岁女子。事发时，38岁的报案男子行两人后面，29岁男子疑不满对方走得太近。警方到场调查后，发现无人受伤，事件中亦无人被捕，将案件列作纠纷。
楼主吁单独回家女士小心
楼主以「我同女朋友返屋企途中……上载短片，并指「喺条大路度冇人，佢都要紧贴住我女朋友后边，然后我见到我立刻制止佢，然后佢冇停不特止向，一直向我女朋友冲过去，之后就影」。
回应的网民纷「求下集」，问「有冇续集？」，楼主回应指，「终极就系报咗警，然后有差佬嚟警告咗佢，完。条友住将军澳or调景岭......大家真系要小心。尤其是单独回家嘅女士」。
网民称，「而家d人真系痴线，段片都见到佢不段向住个女仔行，之后又扮跌......」。另有人指，「佢自己飞个下。都几夸」、「气场好ｘ劲喎，弹到咁远」、「可能已经出五连鞭㗎啦」、「快到出咗手都影唔到」、「有名你叫『闪电』五连鞭就知咩啦」。
还有网友表示「好彩你地有拍住片」、「拍得好，有片有真相」、「自己插水之后话要验伤」、「睇佢戏屎到......」、「揸车有碰瓷党，依家行路都有碰瓷党」。其他网民回应请浏览上图↑↑↑↑。
—————
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应