星8卦｜「人妻」食仔无数老公唔怕戴绿帽有苦衷

2023-07-18 11:00

「人妻」真系犀利，最叻系拍一次戏就勾搭上一个拍档，通常系做情侣，最重要次次认真，爱到要生要死。但咁唔代表「人妻」嘅演技好呀！

第一个梗系数「元气」，两个人直情当全世界无到，假戏真做到有后续，「人妻」承认其中一个仔系同「元气」生，不过自己有老公，唔使对方负责，反正老公又唔知。呢两公婆都好得意，因为老公系圈外人，「人妻」未入行已经结婚生埋仔，但生得一副贤妻好女人格局，观众又好受落。

最后「元气」主动提出分手，「人妻」又无所谓，佢周围同人讲呢个女人需索无度，晚晚搞到筋疲力尽，都唔知点解生出一副好女人模样，呃晒全世界，离开佢系自救，几爱都系假。之后「人妻」食咗豹子胆，竟然同「大侠」挞着，有次系化妆间锡嚟锡去，全行认咗第二无人敢认第一嘅恶人「大婆」冲到佢两个面前，一巴二巴掴落「人妻」块面，全场睇住无人敢出声，「人妻」至知食错人夫。

「人妻」而家仲系好开胃，见到啱嘅都照埋身，沟到咪一齐，沟唔到就当无事发生。或者大家会问点解屋企嗰个戴咁多绿帽都唔介意？除咗因为系米饭班主，靠「人妻」养家，佢仲周围话畀人知多谢出面啲男人帮手，因为自己满足唔到佢喎，问你服未！