初选案︱何桂蓝坦言不太受落「立埸姐姐」称号

「35+」初选案续审，被告何桂蓝今午于西九龙法院直言民主派众人「除咗大家都系追求民主之外，大家都系冇乜common ground （共同基础）」，主张初选需要一场路线辩论，提议选民公投共同纲领。何桂蓝解释因为「如果佢哋有份投一票去决定一样嘢嘅话，选前嘅一啲讨论佢哋先至会睇晒佢，然后形成自己嘅判断⋯⋯一啲困绑所有民主派喺选到之后点样行动嘅内容，嗰个讨论选民都应该参与」。

何桂蓝提到初选选举论坛与以往不同，只有民主派没有建制派，以往会集中火力攻击建制派，反而没有处理内部分歧，何桂蓝更坦言「事实上呢堆除咗大家都系追求民主之外，大家都系冇乜common ground （共同基础）」。何桂蓝续指而当时坊间希望民主派团结一致，认为〈墨落无悔〉声明等争议相当烦扰，惟何桂蓝表明不同意，指「所谓斗黄系好重要嘅路线辩论」，自己亦不同意用一个协议统合所有人立场，例如林卓廷就否决财案一事也是直到论坛才首次知悉，故曾主张如2014年公投普选方案一样，将共同纲领交由选民公投决定，最后虽未成事，但认为选民可藉论坛辩论来选择心仪路线。

何桂蓝分析「选举唔系投票嗰一下，如果啲人唔需要自己投票自己决定，佢哋都唔会咁上心去留意嗰啲前前后后嘅讨论，即系话如果佢哋有份投一票去决定一样嘢嘅话，选前嘅一啲讨论佢哋先至会睇晒佢，然后形成自己嘅判断。我会形容否决财政预算案呢样嘢之所以冇喺2020年形成好多嘅讨论，因为当时舆论将呢样嘢，塑造成抗争派同埋其他派系之间嘅二元纷争，将所有嘢focus喺个派系纷争之上而唔系本身个本质。如果选民当时系讨论究竟民主派攞咗35+之后入到立法会之后会点样样嘅话，我相信2020年关于立法会嘅成个讨论会好唔同」，又指「我个人认为如果系涉及一啲困绑所有民主派喺选到之后点样行动嘅内容，嗰个讨论选民都应该参与⋯⋯虽然我自己有一个个人立场，但系我都唔认为几十个人坐埋一齐倾完之后就要数以百万计嘅人跟从」。

何桂蓝坦承不太受落「立场姐姐」的称号，解释一般而言呢如果在社会运动中声名鹊起，名声就会成为非常好的本钱，尤其是在选举当中，犹如「名声嘅暴发户」，然而「立场姐姐」情况则非常尴尬，民众关注的是社运及抗争者，然而由于抗争者「faceless （蒙面）」身份不明，故关注转而落到直播运动的自己身上，认为「积聚系『立场姐姐』呢个term嘅政治能量非常之大，但系其实呢一股能量呢，并唔系因为我本人而积聚起来，佢其实系好多无名抗争者嘅行动、佢哋带畀香港人嘅感受，聚合而成嘅一个icon」，故指称号属于整场运动。

何桂蓝解释发言「立法会要过半，我哋唔系讲紧再投议员入去议事咁简单，而系要夺取主导权，将立法会变成人民嘅武器」，指立法会本来就能反映人民意愿，即使无法影响行政机关决策，但透过选举至少可以展示人民意志，而夺取主导权则指夺取当时局面的主导权，如能汇聚上百万港人投票，「个波其实就去咗政权嗰度，佢要决定点样回应（民意）」。何桂蓝补充当时《香港国安法》实施在即，「大家有种好强烈觉得冇嘢做到，或者香港人唔知做咩好嘅状态，而我会认为投一个足以喺立法会过半嘅票数，有助香港人去攞返当时嗰个局面嘅主导权返来。」

法庭记者：陈子豪

---
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ