初选案︱ 何桂蓝在2020 年7 月将军澳论坛中表示于立法会中「文攻武斗」

「35+」初选案续审，被告何桂蓝今早于西九龙法院引述街站中曾提出「历史性变革」一语，今解释经过2019年香港人会明白追求民主过程中，「冇可能永远都安全，系一定会有代价嘅」，所有人也无法回避香港难以再维持现状，民众也不能单靠领袖来行事，「一定要自己落场，自己搵一个方式贡献场运动」，故认为「比起大国博弈地缘政治嗰啲，我个人认为人心改变先至系真正令到变革有可能发生」。

大律师Trevor Beel主问下播放2020年7月初将军澳民间论坛中何桂蓝发言片段，当中何桂蓝提到于立法会中「文攻武斗」，民主派中有人一支独秀，陈志全区诺轩等勤力提出财政预算修正案，有部份民主派表现则未如理想，自己晋身立法会的话会尽力尝试。何桂蓝今庭上解释「文攻武斗」为当时讨论立法会时所用的术语，部份民主派认为提出修正案也会遭立法会主席梁君彦拒绝，故觉得多此一举。何桂蓝反驳公众如得悉修正案有需要提出，然而被梁君彦排除的话，则会认为责任在梁君彦身上，故要尽用提修正案及质询的权力。何桂蓝再解释武斗指「如果我哋畀人熄咪，而保安已经冲紧埋来，唔代表要放弃我哋要讲嘅嘢。先唔讲有冇用、达唔达到目的，假设我成为立法会议员，就有一个责任，即使畀人肢体阻止，都要提出我应该要提出嘅嘢」。

Trevor Beel再播放7月11日大围街站中何桂蓝发言片段，何桂蓝提出「历史性变革」一语，今解释经过2019年社会运动，香港人会明白追求民主过程中，「冇可能永远都安全，系一定会有代价嘅」，亦再没有人可以对香港问题视而不见，即使不参与运动也无法回避香港难以再维持现状，民众也不能单靠投票选出领袖或代表来行事，「一定要自己落场，自己搵一个方式贡献场运动」，故认为「比起大国博弈地缘政治嗰啲，我个人认为人心改变先至系真正令到变革有可能发生」。

Trevor Beel问到街站中何桂蓝指「鸟笼式民主」何解，何桂蓝答许多人对民主理解成一人一票、有论坛、选举后当选人与官员有问有答，何桂蓝反驳「真正嘅民主系讲紧成套制度」，反问「澳门都有选举，但系啖样嘅选举系咪真系可以令到民意影响到政府嘅施政同埋政策呢？」何桂蓝续指「香港人一直都有票投，但我哋对于呢个城市嘅规划嘅发展，对于公共开支究竟要点样使，我哋有冇say呢？好明显系冇嘅，即系话佢（整套制度）透过选举去吸纳民意，同埋去吸纳民间嘅政治能量，然后将佢困咗系一个根本冇出路，亦都冇办法带来改变嘅institution（体制）入面」。   

何桂蓝回应《香港国安法》指定法官李运腾昨日问题指既然无法落实政策倡议，「究竟选议员来做乜嘢嘢呢⋯⋯」何桂蓝解释一直以来「好有问题嘅嗰个财政审议制度」沿用自1840年殖民地年代，故2019年运动目标是要进入议会改变成新一个制度。何桂蓝续指另外「讲到立法会乜用都冇，但仍然去选立法会呢个为乜嘅呢个问题，正正就系2020年好多人觉得投初选冇意思，而唔肯去投初选嘅问题。好老实讲，我相信喺2020，冇一个民主派嘅人士可以圆满啖样答到个问题，而我自己最老实嘅答案，你问我2020年搞咗半年，搞咁多嘢为乜，其实我系答唔到嘅。直到我见到61万呢个（投票）数字，呢一个就系当时根本冇人想像得到会出现嘅局面，可能喺法律嘅场合就系每样嘢好清楚啖有原因有结果有过程有动机，但系政治行动唔系跟呢啲logic行嘅。简单来讲就系意义呢家嘢，做咗未必搵得到，但系如果你唔做就一定搵唔到」。 

法庭记者：陈子豪

---

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ