梁朝伟威尼斯凯旋而归 认对金狮奬流晒口水终圆梦：对自己有交代
2023-09-08 12:42 
梁朝伟早前成为首位华人演员获《第80届威尼斯电影节》颁发「终身成就金狮奖」，今日他在黑雨的情况乘早机返港，大批传媒已在机场等候，约早上9点18分，身穿牛仔衫裤、精神奕奕的梁朝伟拿着金狮奬与太太刘嘉玲一同现身机场贵宾室通道，而梁朝伟亦开心地捧奬让传媒拍照。
【相关阅读】：威尼斯影展丨梁朝伟成首位亚洲演员夺终身成就奖 台上罕有激动爆喊全因李安致辞
【点击睇梁朝伟返港】：
受访时，梁朝伟指今次得奬的感受与过往不同，因今次感受41年来的努力：「最感动系上到台啲人企晒起身鼓掌，觉得好似系自己对自己有交代，我成日觉得做咁多年嘅努力，做咁多嘢，一个人平时待人接物做嘢，唔系对人交代，系对自己有交代，嗰刻觉得呢41年总算系对自己有交代。」提到上台后感触落泪，梁朝伟表示因当刻台下的人全部企起身：「李安讲时，我喺现场做嘢，我无意识到我系点，经过佢讲发现原来我系咁，听到已经有少少（想喊）。」他指因台下全部也是电影人，全部起身鼓掌好耐，所以感受很不一样。问到由李安颁奬是否更加感动？梁朝伟说：「唔系，系好多样嘢加埋，唔系一样嘢。」
与众分享荣誉
对于得奬后被指为港争光，梁朝伟指电影不是一个人，而是team work及团体工作：「我谂咁多年来由我做电视台开始，由畀机会我做《430穿梭机》，受好多好导演启发有机会拍《新扎师兄》，其实杜琪峯导演都启发我好多嘢，唔通个奖又唔系属于佢哋嘅咩，茶水同服装又唔系属于嗰个人，所以我觉得系大家成就咗我，我好彩我上去攞。（所以你送个奖畀香港？）我觉得系属于大家，应该大家一齐分享，因为呢几十年里面，由1982年到2023年，大家一齐合作过好努力向住一个理想进发，今日得到系每一个人都有份。」
对于李安大赞他的眼神，梁朝伟指自己只是在工作，没有留意：「我只系意识每次角色同演出我都做咗好多准备，当然内容会好丰富，你睇一本书同一百本书好唔同，唔系眼神而系你成个人嘅信心都唔同，即系当时我拍《一代宗师》，如果唔系练咗咁多年你都冇嗰个信心，你冇呢种眼神，你系经过时间同训练先有个信心。」
至于金狮奖是否他的目标？梁朝伟承认很久以前已想拿这奬：「我同威尼斯电影节的关系从1989年开始，那年是候孝贤导演的《悲情城市》第一次拿最佳电影金狮奖，当时我有些事并没出席，跟住与陈英雄导演的《三轮车夫》拿到，最后一次《色·戒》同李安去攞，但我哋好赶，未等到颁奖，我同李安、汤唯就去咗多伦多国际电影节做宣传，当李安听到得奖他就回去攞奖，当时我哋食晏，摆咗个奬喺度，跟住（李安）话大家嘅、大家嘅，我望到个奬，哗！流口水呀，如果有机会就好喇，但这些不是你想就有，系好彩罗！」
【点击睇梁朝伟扬威威尼斯】：
不为攞奖拍戏
梁朝伟指之后会与妈咪及朋友食饭庆祝，但就不会搞庆祝派对，问到下个目标是否奥斯卡？他指现在拍戏想法不同了，就像回到最初拍戏的初心：「而家尽量去享受一班人一齐的旅程，拍戏九个月里边怎样准备个角色，同一班人尽自己最大的能力做到最好，呢个先系最好玩嘅地方。」梁朝伟又指即将拍的欧洲片，已没有像以前般想着如何突破，只做好前面的事，不会为奖项，因为有心就会做得好；又透露明年3月会到德国为新戏开工。
至于会否加片酬？他即显得有点尴尬，问是否要问刘嘉玲？梁朝伟说：「其实主要睇系咪好锺意，呢个阶段我觉得开心最重要，拍一套戏同一班人开心紧要过你畀笔钱我。（点解公开多谢太太？）佢咁多年一直默默支持同鼓励我，我觉得我从来都冇多谢过佢，所以都应该趁呢个终身成就奖讲一讲。（放手畀你做你锺意嘅事？）都系，因为最后都系我决定，套戏系我去拍，唔系佢，到最后我认为好锺意，即系点解我会接部欧洲戏，第一亚洲拍过好多、荷里活片又拍过，欧洲未拍过，咁啱有个导演为我度身订造，我睇完佢嘅作品都属于系一个好优秀嘅导演，我同佢做咗几次Zoom，你觉得佢系一个可以信任嘅人，佢系好有修养但谦虚，等于我上次接《尚气》都系因为同个导演做Zoom感受到个人好真诚同可靠，今次都系觉得咁。」
见黄伟文再闯乐坛？
梁朝伟透露今次的角色学术性较强，是一个脑神经科学家：「我两个月前已经喺香港同大学搵晒脑神经专家做研究同搵咗一堆书，讲德国请我讲学，所以基本知识要有，因为要讲课，所以我今次计划用八个月去准备，我一日睇四至六个钟头书，我又唔系专业嘅人，所以睇得慢，睇唔明我好多谢香港几间大学嘅脑神经科学家同脑方专家咁支持我，好多时话『如果你睇唔明话畀我听，我再解释』。」问到今次是否抽空见黄伟文（Wyman）？他指因没直航故去了英国转机，刚好有共同朋友请食饭庆祝，才见到对方。问到甚么时候会再唱歌？梁朝伟即笑说：「鬼有人听咩！」
提到早前亮相韩国女团NewJeans歌曲《Cool With You》MV，梁朝伟表示NewJeans唱片公司的老板刚好认识他一个认识多年的朋友，所以通过他的朋友找他：「我识呢个朋友好多年，1997年系我翻译，我去韩国做宣传都系佢帮我做翻译，因为我唔知佢想拍咩，所以叫佢send故仔畀我睇同send歌畀我听，我话如果你可以满足我三个条件就拍，第一，我喺边你就喺边度拍，第二，我个造型你唔可以管，因为系我创作角色，当然有我自己谂法，第三就系我只系得两个钟，因为基本上佢成个MV喺西班牙拍咗，嗰时我喺东京，佢哋就飞咗去东京用绿布景拍，因为我得几十秒。（有冇做咗NewJeans fans？）好似佢哋系我嘅fans！」访问后，梁朝伟在闲聊表示不知道香港黑雨，当大家笑指他是贵人招风雨，他即表示「唔系」，又指到港后看到影片后才知道雨下得那麽厉害。
【其他文章】：
威尼斯影展丨梁朝伟获颁终身成就奖前偕刘嘉玲游水都放闪 网民「读唇」赞细心
威尼斯影展丨61岁梁朝伟兴奋坐船青筋皱纹暴现 大风吹袭发线后移仍魅力不减
威尼斯影展丨梁朝伟变「摄石人」美女网民被轰无礼貌 结局180度反转与刘嘉玲有关
釜山国际电影节丨周润发获颁亚洲电影人奖！ 连续两届香港影人获殊荣
刘嘉玲揭老公扮「社恐」真相 见好姊妹上山诗钠偷吻梁朝伟即问罪
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应