独家丨陈汉娜自爆初期冇剧本靠感觉做表情沈殷怡拍《社内》获Edan粉丝打气

2023-12-09 07:00

陈汉娜（Hanna）和沈殷怡（Shirley）在ViuTV剧《社内相亲》中演闺密，虽然首合作，但因有共同嗜好而极速friend咗。对于被赞演出到位兼微表情可爱，Hanna首爆在冇剧本下全靠感觉揣摩角色。讲到跟Anson Lo拍剧后曾收恶意留言，Hanna澄清事后发现并非粉丝所为，甚至跟Shirley齐获AL和Edan粉丝打气。采访：杜杜摄影：Stanley 发型:Heitai Cheung(Hanna) 化妆:San Chan(Hanna) 服装:ba&sh(Shirley)

Hanna和Shirley因为Pokémon和咖啡，好快变老友。

Hanna和Shirley早在大学时已有一面之缘，但真正认识是合作《社内》，然后因共同偶像而熟络。Hanna答得认真：「我哋有好多共同兴趣，譬如大家都锺意Pokémon，又锺意饮咖啡，而锺意得Pokémon都系好人嚟。」Shirley好认同，「锺意Pokémon嘅人都系善良，所以合作好安心。」

两人最难忘一齐拍醉酒戏，因可以狂爆肚。

两人演绎由细玩大的闺密「孙贺利」和「陈映书」。

Hanna和Shirley第1日开工，便要拍晒她们15集中的对手戏。

Shirley这次终于感受到拍剧由头带到尾的感觉。

Hanna睇韩版揣摩角色

Hanna分饰「孙美玲」及「孙贺利」，因为同真实性格相差好大，加上开拍初期未有原整剧本做准备，所以好紧张，唯有靠睇韩版搵感觉，「角色有种令人好温暖又好可爱嘅感觉，希望尽量将呢个感觉带畀观众。」讲到剧中「父母」都赞她演出到位，Ben Sir最欣赏她的出色微表情，Hanna解释未有太多设计，「嗰啲微表情，拍之前冇谂定点做，冇刻意度，只系埋到位，就攞返韩版角色畀我嘅感觉，直觉呢个女仔会系咁，所以我做出嚟同韩版都未必好似。」

Hanna最初好担心演绎同自己相差很远的「孙美玲」。

Hanna被戏中「爸爸」Ben Sir赞微表情出色。

讲到跟AL和Edan合作，Hanna坦认最初有压力，特别在街上被围观拍咀戏，「我都有问佢哋惊唔惊？大家咁爱你哋又望住你哋都会好紧张，所以大家都有压力。」提到留言被骂「贱女人」，Hanna就澄清并非AL粉丝所为，「开头都惊，𠵱家知佢哋都好支持我。」Shirley都赞Edan粉丝好窝心，「Hanna讲完被闹之后，『爵屎』好窝心message我话『希望唔好影响到你情绪，好期望睇你哋两对CP，有人讲咗唔好听嘅说话就唔好理。』」