星8卦｜「歌后」欲擒先纵氹掂「二代」 弃「花旦」娶自己高招

过江龙一向都好有手段，好似「大波」呢排淡出幕前，原来系搵到好码头，你话佢畀咗啲乜嘢「猛哥」饮都好，佢就系对「大波」一往情深，短时间已经畀咗两层楼揸手。至于另一位「歌后」更厉害，条件比「大波」好，所以好快就夹到「二代」同自己住埋一齐，呢类女人，同一个地方出身对男人都好有一套，「二代」之前嘅「花旦」女友，唔系好上得大枱，但胜在温柔肯做背后女人。

「歌后」有本事令「二代」对自己痴心一片，而当日同「花旦」系三角关系，可惜本地女仔始终唔忍得，迫「二代」表态，顺手将佢推咗埋「歌后」身边。而「歌后」叻在唔会要求，仲由得男人喺自己屋企自出自入，好似完全唔使佢负责任咁。呢种放风筝玩法真系好掂，「歌后」对「二代」唔管，反而令佢觉得要多啲一齐，咁啱两个人年纪都有番咁上下，「二代」老窦想抱孙，所以「二代」反而唔同一齐十年嘅「花旦」求婚，两年就同「歌后」组织家庭。

「歌后」连公唔公开身份都无所谓，反而令「二代」唔过瘾，于是周围同朋友讲自己做咗人夫。放消息出去公告天下，「歌后」高招到扮嬲，「二代」于是又送咗厚礼氹番老婆。但生唔生到仔，就要睇「歌后」嘅身体，但点都后生过「花旦」嘅！

 

【相关文章】：

星8卦｜「才子」嫌弃「斯文」老土 偷嗒野性新欢 陷三角关系不自知

星8卦｜「奇萌」艺术家性格唔识搵钱 「势利」贪名牌甘心卖身养家

星8卦｜「牛奶仔」为前途同「大喱」扮情侣 为真女友终止假新闻蚀章

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ