慈云山16只动物乾晾窗外 幼长尖尾巴吊吊揈 吓呆网民：晒老鼠乾？｜Juicy叮
2024-01-06 08:10 
慈云山一屋邨窗外的晾衣架上，吊吊揈晾晒著至少16只怀疑动物乾，中央最大一只还连著一条幼幼长长的尾巴，成为显眼包。就凭这条尖尾巴便吓呆街坊与网民，惊呼「真系老鼠？晒乾食？？」。
楼主早前在facebook专页「慈云山资讯交流」以「喺屋企晒鼠特别香......」为题上载由「 屋企望上去见到」、「睇见都惊」的照片。
慈云山屋邨窗外疑晒鼠乾逐张睇↓↓↓↓＋ 网民目瞪口呆回应↓↓↓↓
被铺与怀疑鼠乾同晒
相中目测至少有16只怀疑鼠乾，以红色尼龙绳穿著，再细心地逐一绑在窗外晾衣架的最外围，旁边则晾有疑似枕头，后边晒被，形成一架晾3物格局。回应的网民心惊惊地估计，可能是「战利品」、「屋主示威：闯入我屋企嘅后果」，并直言「咁Ｘ恐怖嘅」；有人怀疑是「野味」，有人则「分唔出系老鼠定树叶」。
慈云山屋邨窗外疑晒鼠乾逐张睇↓↓↓↓＋ 网民目瞪口呆回应↓↓↓↓
网民：应该系田鼠 喺饭面蒸嚟食
有网民则凭记忆冷静地指，「应该系田鼠，儿时回乡见过，佢哋喺饭面蒸嚟食，吓到我连啲饭都唔敢食」、「当年大饥荒（60年代）。田鼠救活很多人」、「屋主应该系上咗年纪的老一辈。别怪（他／她）。想当年我外婆穷到无饭开。都系整呢样『美食』」，但有人直言「真系食唔落」。
而在其他转载有关消息的facebook专页，有网民笑问是「腊鼠肉？」，另有人提到「蛤蚧都有尾」。
同场加映：油塘屋邨滴油腊肉户
提到晾晒物，油塘有屋邨出现滴油腊肉户，无视楼下晾有衣物的自私行为遭网友连番怒轰。
楼主早前在facebook专页「油塘人之家」上载证据，指「......好离谱！刚刚用白色胶袋铺咗阵又攞起，住佢楼下嗰啲住户就惨啦！啲汁滴晒落去！呢啲房署应该扣分啦！其实好唔好同房署投诉呢？呢啲人有冇常识同人性㗎！」
油塘屋邨滴油腊肉户逐张睇↓↓↓↓＋ 网民嬲爆回应↓↓↓↓
回应的网民投诉之声此起彼落，指「投诉，直接用E-mail去写字楼Send埋相」、「梗系要投诉啦，呢啲人咪自私罗」、「呢啲要楼下住户投诉先得」、「支持投诉，毫无公德心」、「如果我系你，出完此帖立即投诉！」。
网民：呢啲邻居超困扰
网民充满同理心地指「有呢啲邻居真系超困扰」、「最离谱就系嗰啲酱汁，漏晒落楼下嗰度，滴落楼下嗰啲衫，多得佢唔少」。
另有人爆料，指「鲤鱼门邨都有呢啲自私鬼，一早晾衫出去就濑晒嘢，即刻打去管理处叫佢地搞搞佢，晨早流流仲要赶返工，超无奈」。
晾晒相关新闻：
天水围「严禁晾晒」铁栏上晒逾40棵菜 场面壮观 网民嘲：绿化城市
太子马路旁晾晒菜乾 专家警告或沾4大有害物质
屋邨再现晒腊肠户 逾120条挂窗边惊变窗帘 网民眼凸凸：咁多条有咩需要？
晾衣架晒逾20条咸鱼腊肉 将军澳街坊自爆曾拍门造访 结果意想不到......
移英港妈花园晒腊肠：发梦都无谂过识整 网民好奇：阴湿天气都晒到？
沙田街坊路边晒鱿鱼 54只苍蝇排队先食 网民喊惊：喷杀虫水
皇后山窗前万国旗腊味阵 网民忆苦思甜：穷人自己晒富人上环买
晾衣架晒腊肉咸香阵阵 网民狂轰自私：猪油滴到成墙都系
石硖尾晒「有渍」底裤同一位置被腊肉抢占 网民：「一山不能藏二虎」
石硖尾街坊路边晒「有渍」底裤 网民嘲「张相有阵味」
卫生巾黏大兴邨窗外摇荡 网民惊讶：平衡力很棒
底裤胸围一抽二褦 网民：「接龙晾衣」直落挂唔会遮住只窗
楼上衣物「尾巴」有碍观瞻 户主「衣夹传书」网民涌出献计
为乜开遮晾衫？ 网民逐层目测抽丝剥茧得出答案......
----
《星岛头条》APP经已推出最新版本，请立即更新，浏览更精彩内容：https://bit.ly/3yLrg
最新回应