富泰「三太」身体出现问题？曾因脱发问题星途受损 因一事只可以「坐住瞓」
2024-01-22 12:40 
52岁樊亦敏近年凭《爱·回家之开心速递》的三太白天娥一角深受观众欢迎，再加上樊亦敏减肥成功回复最佳状态后，获网民大赞越来越靓。不过樊亦敏日前在周国丰和伍仲衡的YouTube节目访问上，重提当年曾受脱发问题困扰，甚至因为一个原因，只可以「坐住瞓」！
相关閲读：星级品味｜靠收藏天价Hermès手袋致富？樊亦敏揭成小富婆之道：要分散投资
周国丰日前现身周国丰和伍仲衡的YouTube节目访问，樊亦敏在《1991年度香港小姐竞选》并获得最上镜小姐后展开演艺生涯，本来当年受到公司力捧，不过因为身体出现问题而影响星途，樊亦敏在节目上亦有重提此事，她说：「嗰阵公司对我好好，不过我因为免疫系统出现问题，几乎甩晒啲头发变光头，嗰阵医咗好耐，唯有戴假发。本来嗰阵有机会同郑伊健去台湾发展，但系因为停唔到咁甩，拍唔到剧集，唯有转去做音乐主持。」
周国丰忍不住问由一个靓女变到有这问题出现，当刻怎可以接受？樊亦敏说：「一定有唔开心，唯有去面对，嗰阵都谂点样去医，可能我系双子座，唔会将一件事睇得太集中，嗰阵我用咗几年时间土去医好，不过而家久唔久都会甩，只系冇以前咁严重。」樊亦敏还说自己最大问题反而是肺弱：「我嘅哮喘好严重，而且仲系过敏性哮喘，试过有几年系要坐喺度瞓，如果瞓低嘅话系抖唔到气，我当自己系一个贵妃。」樊亦敏更称试过坐飞机因为气压问题而晕低：「我记得有次喺伦敦飞返香港，唔知系咪食错药出现过敏，搞到抖唔到气，最搞笑系上机前仲食咗半粒安眠药，好惊自己瞓醒掹大眼会见到佛祖，好彩最后系见到香港机场。」
樊亦敏曾受脱发问题困扰：
谈到目前身体状况，樊亦敏说：「好咗好多，我而家中、西医一齐调理， 当然发作嘅时候，睇西医系最快。我记得千禧年大家睇烟花嘅时候，我就系喺急症室度过，我系急症室之友，熟到好多步骤都一清二楚，连医护人员都熟晒。以前我去旅行时候系多一个喼，放晒啲药同呼吸机，因为我一日要吸三次药先可以出得街，不过而家嘅情况好咗好多。」樊亦敏还说：「以前仲试过食食吓饭唔见咗人，搞到啲人觉得我好怪，其实因为以前啲人可以喺室内食烟，搞到我有啲唔舒服，唯有去洗手间抖气，所以我好少约人出去食饭，连出街都唔系太多。」
其他文章：
爱回家丨樊亦敏剪短发超减龄做一动作即变大妈 曾患病狂脱发陷人生谷底
隐形战队丨樊亦敏少女心大爆发向黄子恒送秋波 修身成功外貌「唔输蚀」畀啲小花
--------------------
《区区有申诉》答问题送盆菜，现正进行利是公价问卷调查，编辑部会拣选最具创意的得奬者，送出价值$1698「新春佛跳墙盆菜」套餐或价值$198「五福临门煲」︰ https://bit.ly/3Ucj7tg
《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应