星8卦｜「整形」恃「肥伯」锡以为有楼揸手 被踢爆包养小鲜肉一刀两断

都怪「整形」太贪心，跟住「肥伯」咪好罗，但又博自己呢排好得宠，所以自己畀咗首期，趁楼市低咗咁多，「肥伯」一定肯畀埋条尾数。结果「整形」博得就博嘅心态，终于俾「肥伯」一次过顺便讲埋以后唔再照顾佢。「整形」结果连订都要挞埋，笔钱仲要问屋企人借，搞到冚家为钱心烦，日嘈夜嘈，最衰怪自己同「肥伯」话要买楼时，对方听错银码，以为系十分一价钱，后嚟知佢咁大贪，梗系顺势斩缆。

其实「肥伯」怀疑咗「整形」一段时间，因为有人见佢同「奀星」一齐又食又玩，「奀星」胜在后生，同「肥伯」除咗有钱之外乜都无嘅情况下，「整形」以为自己好叻，一边收钱卖身，一边就贴钱养仔。「肥伯」于是搵私家侦探跟踪，发现「整形」唔只「奀星」一个，仲有啲唔知边度嚟嘅讲国语嘅小鲜肉，虽然心知「整形」都系靠肉体搵食，但你用我啲钱去玩就梗系唔得，于是借买楼件事一拍两散。

不过患难见真情，「整形」同「奀星」依然仲喺埋一齐，虽然日子艰难啲，但「奀星」情愿出去打工养家，可以有戏拍都靠「整形」用以前嘅人脉嚟拉拢，互相支持吓都叫有个伴，「整形」心有不甘㗎，但自己个朵臭晒，卖都无人要，惟有踏实做人啦！

 

相关文章：

星8卦｜「长人」无沟仔运长期陷苦恋 「媒人」打救嫁「专业」执尾筹

星8卦｜「鬼妹」以为「高大」系良伴 成赌局牺牲品要睇心理医生

星8卦｜「后生女」识错人被威胁 「老窦」痛心求大机构出手帮忙

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ