38岁细细粒半年甩121磅公开自创必瘦减肥法曾急性糖尿病入院唔想早死过阿妈丨独家

2024-02-27 07:00

38岁「细细粒」陈嘉佳近年在内地吃播界吃出名堂，每月平均做12次，每次直播都疯狂丧食，相当唔健康，体重高峰时更达260斤(286磅)。去年细细粒突然宣布「时辰到」要减肥，佢讲得出做得到，用半年时间极速搣甩121磅，目前得返165磅。据知，细细粒年前曾因急性糖尿病晕眩入院，为保命决心减肥，她自爆：「出事时糖尿23度，就算打咗胰岛素只能降到15度，咁落去惊捱唔过50岁，我唔想早死过妈妈。」减肥超过50次的细细粒，更公开自家必瘦减肥法，各位瘦身同路人要留意。采访：方骞平摄影：邓国良场地：数码港锺菜馆

得返165磅嘅细细粒好开心，因为终于可以翘脚坐。

侧身有线条。

背面判若两人。

正面变得修长。

细细粒用super green做其中一餐代餐，羽衣甘蓝青汁成份有乳酸菌、益生菌及混合种子。

平台期令细细粒皮肤收紧，再加上紧身内衣减少松弛。

着紧身内衣拉紧拜拜肉。

减肥后的细细粒巨肚消失，重现锁骨线条，最自豪成世女都未试过可以翘脚坐，𠵱家竟然做得到，最开心一粒西药都唔使食，3高由爆晒标回落返正常指数：「𠵱家可以着到中码衫及裤，不过，睇BMI指数系25，应该仲有减肥空间，希望5月39岁生日时，可以减到终极目标130磅。」

细细粒体重高峰时有286磅。

当日细细粒曾忽视健康问题。

当日体重惊人。

3高超晒标入院好惊吓

细细粒好锺意食，以前暴饮暴食鲸吞都唔识得饱，也忽视健康问题，直至年前如常地狂吃高糖份嘅日本生果，引致急性糖尿病：「出事时头晕、好攰、口喝，糖尿指数升到23度，糖分致细菌滋生令下体痕痒，住院几天就算打胰岛素都降唔到血糖，指数维持15度，3高、三酸甘油酯等全部见红超晒标，好吓人，嗰刻我警觉到暴食带来太差嘅健康，咁落去惊捱唔过50岁，(因为系独女)唔想早死过妈妈，既然时辰到，系时候要食得清淡。加上去年王祖蓝知我健康唔好，逼我入减肥营，虽然最后磅数都系打回原形，但学到有关减肥概念及正确知识，之后再去深入研究，点样可以再健康啲。」

去年6月细细粒被网民发现面容憔悴现身浙江路边摊，健康状况惹人担心。

王祖蓝胁逼细细粒入减肥营。

在减肥营食菜。

营内做轻量运动。

但最后磅数都系打回原形。

3年多前细细粒曾秘密入院，当时只解释系body check。

由于爸爸已离世，独女细细粒最锡妈妈。

母女相依为命。

减肥50次令内分泌失调

讲到减肥血泪史，原来细细粒爸爸有家族性遗传肥胖，父系亲人个个体重超过200磅，减肥对佢嚟讲绝对唔容易：「由16岁开始被同学欺凌，笑我系肥婆，用过唔同嘅方法减肥，几十年来减肥超过50次，咩方法都试过，甚至减到内分泌失调，真系冇谂过今次会咁有耐力，唯一死都唔肯做运动。」总结减肥心得，她认为除控制唔到生命，冇嘢做唔到，在乎个人决心，她唔主张唔食嘢减肥，认为方法非常阴功亦唔会成功：「只要爱上健康就唔会有被逼嘅感觉，要学识点样食嘢可以Keep到健康，一世唔会反弹。减肥系要用饮食改变体重；用时间改变身体状态；𠵱家健康经已回复正常，月事准到不得了，所以都想做减肥达人，第日有钱开间减肥中心帮人，内有营养及运动顾问。」

细细粒𠵱家体重返回11岁时磅数，但当年身高只得165cm。

13岁体形。

以前做鲸吞式做直播。

因为本身为食。

而且出来效果不错。

往往食几人份量。

食得开心。

狂食大闸蟹。

冇厌食胃口细好易食饱

细细粒想做减肥达人，更公开自创的减肥方法：「头3个月要戒糖，每日饮够2500毫升水嚟排毒；最少睡眠7小时，早餐可以饮斋啡及无糖乳酪、豆浆，食嘢更加按住守则去食，即系50%系菜；40%系蛋白质、得10%系碳水化合物，不能吃勾芡食物，还可配合饮有机苹果醋；之后到平台期，我就由每日3餐变两餐，想食乜都得，如食去皮炸鸡上髀，甚至走一块包皮嘅炭烧鸡包，但瘦咗咁多唔会再舍得食肥自己；第2阶段以深海鱼及海鲜为主，第3阶段其中一餐以super green做代餐，羽衣甘蓝汁成份有乳酸菌、益生菌、再加入亚麻籽、奇亚籽等混合种子，既饱肚又有益。𠵱家我食嘢好随心，肚饿就食啲肉，都会食两块煎萝卜糕，绝对冇厌食症及扣喉，只系胃口缩细咗，食好少已好易饱。」细细粒会继续带货，但选品执着，唔会有反式脂肪产品，亦不用狂食：「其实狂食系因为自己锺意食，而且出嚟效果唔错，唔系商家要求。」