卫诗雅低潮期曾获「施舍」工作劲Hurt 入行16年经常得罪人冇嘢捞丨独家

2024-04-06 07:00

卫诗雅（Michelle）凭电影《不日成婚2》，首获提名金像奖最佳女主角，得悉一刻兴奋到喊，她感恩团队努力被看见。入行16年，Michelle坦认率直易得罪人，令演艺事业一直浮沉，更试过获「施舍」工作，「点解你要咁hurt我？！」。采访：杜杜摄影：朱伟彦发型:Sing Tam@ArtifyLab 化妆:MW 服装:Maje 场地:BOLD COFFEE

Michelle希望尝试不同角色，最期待在全绿幕下演出及做黑道大家姐。

Michelle当日跟《不日》团队一齐睇金像奖提名直播，听到宣布入围一刻，团队嗌到癫，她亦开始爆喊，「我真系唔系好相信，我不断问自己『系咪发紧梦呀？点解咁好彩咁幸运呢？！』嗰个感觉系为《不日成婚》团队争一口气，有人睇过我哋套戏，有人锺意㗎！」她又将功劳归功于团队，「一定唔系我做得好，系成个团队好，拍嘅时候演员同幕后帮咗我好多，好锡『曾可怡』呢个角色，好锡我，系佢哋造就咗呢个角色。」

Michelle凭《不日成婚2》的「曾可怡」，首获提名影后。

Michelle获提名最感谢两集《不日成婚》的台前幕后。

Michelle兴奋剧中「奶奶」金燕玲获提名最佳女配角。

Michelle将《不日成婚》推荐给公司，一手促成电影诞生。

做人太过畅所欲言

由于《不日》有两集，Michelle认为投票时会多了感情分，而她亦跟角色一同成长，看到「曾可怡」由充满棱角，到碰到不少困难磨蚀棱角，彷佛看到昔日的卫诗雅，「有个job，人哋叫我sale呢样嘢，嗰头同人讲『我觉得唔好用』，我系会咁样，好深刻，完咗畀人闹到呀！好傻好真呀！后果就系人哋唔搵你做嘢罗，哈哈！」不过她现在已学精，识得包装一下，「我都会照讲我嘅不满，表达呢样嘢好唔好，但系会修饰、包装吓先，以前会直接话『好难食』，依家会话『唔系好啱我口味』。」她承认以往做人舒服，但明白必须要成长，「我好怀念以前嗰个自己，好想做返，好率性好舒服，畅所欲言，但人哋会唔舒服，最好攞个平衡，慢慢学识呢啲嘢。」

《不日成婚》的「曾可怡」，令Michelle重拾当年率真的自己。

Michelle完全冇信心攞影后，只求有更多演出机会。

期望锺雪莹封影后

问到有没有信心夺影后？Michelle秒答：「冇！哈哈！」她明白爱情喜剧入围已经很难，攞奖更加渺茫，但她坦认恨攞奖，「我想攞嘅原因系唔想俾人遗忘，想人哋锺意我演嘅戏，唔想casting时，唔记得卫诗雅原来系演员。」有份参与颁奖礼已令她很满足，「好开心可以喺现场睇，仲可以坐前面㗎，着好靓嘅裙行红地毯，本场刊仲可以畀我啲曾孙睇，哈哈！『你睇吓太婆以前影过呢啲相』，已经好开心。」她更希望在ViuTV剧《玛嘉烈与大卫系列丝丝》首合作的锺雪莹，能凭《填词L》首夺影后，「呢个女仔气质好好，好纯洁无瑕嘅灵魂，佢啲戏又好，好想佢有好成绩，之后嘅路会行得好舒服，好想保护同帮佢，佢好值得。」

Michelle开心获提名，可以有份拍摄金像奖颁奖礼场刊。

Michelle睇好锺雪莹封影后。

首演戏视终身职业

Michelle形容自己并非天才型演员，不聪明的她全靠不断努力。入行16年首拍TVB青春剧《四叶草之盛装舞步爱作战》时，已认定演戏是终身职业，「演员可以畀你好任性去感受唔同职业。」就算现在贵为影后候选人她仍觉事业浮浮沉沉，讲到入行后最低潮时期，她想到多年前有段日子零工作，有次获邀跟陈家乐为品牌影杂志宣传照，一通电话令她感觉很受伤，「工作人员话『我哋施舍你哋㗎咋』，呢件事我好深刻，好难受，大家都系呢行，点解用到施舍嚟形容？！我哋系咪真系做得咁差呢？！好以有几千蚊畀你哋已经好好，系伤心㗎！我当然好嬲嗰个人，我唔系神好大爱，唔会讲啲咁假嘅说话啦！点解你要咁hurt我？！」不过这段经历没有打沉Michelle，反而咬紧牙关捱到今天。