林子博为19岁大女铺路升读大学 移居英国3年沟通仍有好大问题丨独家

 3手前，单亲爸爸林子博带子女移民英国曼城，最近趁大女林咏渝19岁生日举家到卡迪夫、布里斯托、巴斯及伦敦走一转，主要参观布里斯托大学区，为囡囡两年后升读大学做准备，子博坦言在人生路不熟的地方生活一定有唔少挫折，但只要脑海浮现子女戴四方帽画面，就会充满力量，所有难关必定捱得过。采访：方骞平

喺名胜地打卡留影。

子博欣赏英国著名街头涂鸦艺术家 Banksy 作品。

林子博和子女参观布里斯托大学区。

和子女游往伦敦。

林子博爱女咏渝最爱伦敦，暖男爸爸便精心安排囡囡在伦敦庆生：「我哋先去布里斯托，因为囡囡要认识一位读电影制作嘅新朋友仔，等佢预先搜集好相关升学资料，顺道参观布里斯托大学。」

暖男爸爸林子博喺情人节送花畀囡囡。

林子博爱女咏渝在伦敦庆祝19岁生日。

子博期望又大一岁嘅咏渝能顺利升读锺意嘅科目，仲会畀心机读书及更加融入英国文化，识多啲人：「佢仍然只留意港、台、韩资讯，明显未够投入𠵱度嘅生活，但明白嘅，佢咁大过先过嚟，重新适应及建立社交圈系要慢慢嚟，而且母语唔系英文，每逢做功课及考试都会面对好大嘅挑战，我会安慰佢『系咪顶唔顺啫？只要搵到兴趣及方向，唔一定要大学毕业嘅』，佢反而比我更坚持，话『过得嚟，点会唔读埋大学呢？』」

林咏渝最爱读演艺，跳舞唔错。

陪玩兼做埋司机工人

子博承认独力在外地照顾两名子女起居饮食颇辛苦，笑言除陪太子读书、陪玩、做埋司机车出车入外，工人又系佢，要煮饭洗衫及做家务，甚至家居维修等。不过，最大困难系生活上的沟通都有问题：「𠵱家仲未可以用英文完全表达内心谂法，但我冇谂过回流，喺困难时会温提自己，当日赴英定居嘅初心系乜？希望带住两个子女去留学，见识一吓呢个世界，接触唔同嘅文化，至少期望佢哋能大学毕业，再憧憬将来同佢哋影大学毕业相，我会耐心等待回报，坚持咬紧牙关，冇嘢解决唔到，所以唔会谂顶唔顺要离开。」

子博系家中大厨，整叉烧有板有眼。

林子博变身住家男人。

煎牛朳卖相唔错。

拿手菜仲有发菜炆猪肉。

上网学煮花胶菇炆猪肉。

美咖哩鸡。

子博平日做YouTuber赚取生活费。

上月系子博和亡妻董燕君结婚周年。

3年前单亲爸爸林子博带子女移民英国曼城。

英国曼城住所。

住所对住靓景。

在英国生活平淡。

去年带同子女返港拜祭亡妻。

站在亡妻嘅灵灰龛位前低头肃立咗几分钟。

顺道做口水腺瘤手术。

去年返港期间相约汪明荃饭敍。

子博去年回港曾跟郑启泰合照，对启泰月前猝逝感唏嘘。

《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

紧贴最新最快新闻资讯，请立即下载星岛头条App：https://bit.ly/3Q29Vow