芷珊约您丨张敬轩罕谈感情事！自揭拍拖次数 曾因一事痛失逾亿版权费？
2024-04-29 20:30 
黎芷珊主持的TVB节目《芷珊约您》，逢星期日晚上播出。昨晚（28日）播出一集嘉宾请来张敬轩担任嘉宾，黎芷珊专程飞到纽约直击张敬轩的美国站巡唱。巡唱圆满结束后，黎芷珊还与张敬轩进行深度交流。
相关阅读：张敬轩自认马会「老黎」的嘉宾 想开农场养马多过做马主
张敬轩因何事失过亿版权费？
入行20年的张敬轩，大谈由当年只身来港发展到今日成为香港乐坛顶流，黎芷珊问张敬轩入行多年牺牲了甚么？张敬轩坦言：「一个内地人嚟香港，你会觉得你有咩唔好嘅新闻，会好似变咗一个内地人嘅典范（代表），好多因素令我觉得输唔起。」张敬轩续指为了保持靓声，连最爱的酒都不敢多喝：「我keep住把声仲唱到以前啲歌，咁呢啲就系平时生活上嘅约束。」
张敬轩盼向后辈分享经验
问到未来十年的计划，张敬轩打算将多年来累积到的经验与后辈分享：「用我哋捱过嘅苦头去话畀佢哋听捷径喺边度。」黎芷珊问到现在的他快乐吗？张敬轩坦言：「快乐呀，行到42岁，呢两年系我人生最好嘅时候。我有自己团队，无论做演唱会或者拍Youtube都有好反应，自己派嘅歌反应又好好，爸爸妈妈生活又安稳，自己想食嘅嘢又食得起，想去嘅地方又去得起，觉得人生好圆满，但要Keep住落去系唔容易。」
张敬轩自称恶顶
黎芷珊还大胆向张敬轩提问大家最想知道的感情事，张敬轩坦言开始有想被人照顾的念头，黎芷珊问到有否遇过适合的对象，张敬轩想了良久后说：「（呢行）唔系好识到人系真嘅，同埋（我）唔系咁轻易畀人进入到我生命。」张敬轩又自认恶顶谓：「譬如有protential成为情人嘅人，同一班Friend嚟到我屋企，会喺我屋企攞起啲嘢嚟睇睇，但系佢摆唔番啱个位，咁我就会行埋去摆番啱，咁就完咗喇。」黎芷珊向张敬轩严刑迫供拍过几次拖，张敬轩说：「拖过一只、半只手仔咁啦，我系一个讲将来嘅人，但一去到讲将来标准就会唔同，我系冇『不如行吓睇吓点先啦』呢一种，我所有嘢都要Well Planned（计划好）。」
张敬轩谈父母：矛盾到而家40几年
问到有否真正爱过一个人？张敬轩不讳言：「我觉得我系爱过，其实父母系影响咗我嘅感情观，佢哋两个系南辕北辙，佢哋到依家都系唔夹，我见到我妈嘅痛苦，嗰种矛盾到依家40几年都系冇解决，佢哋到离开嗰一日都唔会解决得到，我唔可以畀我人生系咁。」张敬轩直言如果遇到真爱便会退休：「如果我Commit得佢系我另一半，我会同佢Share人生最后嗰段时间。」
「我最喜爱男女歌手」皆来自广州？
张敬轩离奇染怪病？
节目尾声，张敬轩应黎芷珊要求爆了一个小秘密！张敬轩透露2012年时突然有一天，十只手指无故变黑，他说：「点洗都洗唔到，仲要系入面黑出嚟，好似中咗毒咁！我系一个有疑病症嘅人，嗰时又有depression，医生朋友即刻安排我入私家医院，所有嘢Check完都系正常。嗰6、7日我系人生第一次觉得，如果我突然间死咗，阿爸阿妈点呢？我打电话畀我身边嘅人安排好晒啲嘢。」
不过后来张敬轩才发现自己摆乌龙：「之后突然间发现，嗰排着紧嘅牛仔裤点解摸完之后（对手）越来越黑嘅？原来系条牛仔裤甩色，一条牛仔裤冇咗我10万蚊，（为咗呢件事）整咗10万蚊呀住院！」张敬轩续指当时的「身后事」非常夸张：「我打电话畀Johnny Yim（著名音乐人），同佢讲要做几个Project，叫佢帮我编曲，如是者Johnny帮我整咗70首歌，嗰70首歌系旧歌翻唱，我就录晒。虽然牛仔裤事件已经过咗去，但呢件事好似一个炸弹，如果我突然间走咗，我剩低嘅嘢系唔够阿爸阿妈过生活。」
张敬轩卖断《断点》版权
另外，张敬轩在节目上亦被黎芷珊问到，曾否遇过经济困难？他坦言有：「十个煲六个盖罗，特别2004年开始，屋企系有困难，嗰刻系开始觉得我嘅生活同命运已经唔喺自己手上。」张敬轩亦承认曾为赚钱做过一些自己不喜欢的事情，并感叹：「点解我会做歌手？因为搵钱搵得快。」他更续指年轻时因为等钱使，曾以10万人民币卖断收录了《断点》的专辑版权，并感叹：「当年《断点》据我所知（依家）系过亿版税。」
讲到未红时，曾流连酒吧唱歌赚钱的轩仔，受过不少客人不礼貌对待，轩仔说：「唔需要有原因，一篮花生壳就飞埋嚟！」轩仔指当时虽自觉有点Hurt，但问了自己两条问题后便决定放下情绪积极处理面对，最终以超高EQ应对危机，并磨练出日后的圆滑性格。
其他文章：
黎芷珊爆轩仔行李藏异物 揭Kelly封嘴怪癖走遍七城市 贴身追访星光背后
春浪音乐节丨张敬轩报读3年行政管理课程 RB到非洲探访产生创作灵感 A-LIN望与「网友」Gin Lee合作
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
紧贴最新最快新闻资讯，请立即下载星岛头条App：https://bit.ly/3Q29Vow
最新回应