安达臣道塌天秤｜事隔年半仍未释怀 死者家属冀公开真相：简直就系谋杀
2024-04-30 20:28 
2022年安达臣道房协地盘塌天秤3死6伤惨剧，警方今日（30日）拘捕一名地盘总承建商「精进建筑有限公司」的35岁时任项目经理，他被控3项误杀罪，周四（5月2日）上午于观塘裁判法院提堂，同时通缉一名72岁外判注册结构工程师。惨剧虽然事隔一年半，但25岁死者徐学培的父亲向《星岛头条》表示，家人想起学培时仍会感到伤感，心情不好受，「捱咗6年佢终于做到工程师喇，但居然发生意外，真系好伤感，平日我哋尽量都唔提起（学培），避免触景伤情」。至于最年轻死者、任工程师助理的22岁潘浩钰，其母亲至今仍未释怀，受访期间不禁啜泣，「呢啲简直就系谋杀，我个仔得22岁㗎咋，读咗三年IVE出嚟，喺间公司实习咗几个月，派到去呢个地盘得做咗4个月」。
相关新闻：安达臣道塌天秤｜前年事发酿3死6伤 精进建筑时任项目经理涉误杀今被捕
徐爸爸向记者表示，警方今日拘捕地盘总承建商的35岁时任项目经理，虽然「迟咗少少」，但明白警方搜证需时，不是一时三刻可以做到，「愈早就愈好啦，不过都明白成单嘢唔系一两个人嘅责任，又烧焊又检查，咁多个步骤程序，所以都会理解同明白」。
本身任职工程界的徐爸爸透露，事发当日曾到现场了解，认为现场有多处地方不合理，「我年纪大可能眼花睇咗嘢，但点解可以咁加工，加少少都可能会影响个结构，同埋乜嘢叫目测，而家呢个年代有晒仪器可以做测试，支天秤咁样冧落嚟，真系唔可以讲话系意外罗，如果嗰阵系放饭时间，可能唔止3死6伤，可能仲有更多人命伤亡，更加多家庭受影响」。
相关报道：安达臣道塌天秤｜警方通缉72岁外判注册结构工程师
对于近期工业意外频生，他希望所有承建商及工程公司可以做足安全措施，细心检查所有工序，避免再发生工业意外，「真系希望所有人可以本住良心做事，唔好悭得就悭，要以安全为首，同时亦都有望政府可以加强罚则，唔好净系单纯罚款，应该要有实际罚则，例如坐监咁，等大家知道出事之后系会上身，唔可以话系意外就算数」。
他坦言意外发生后，一家人的心情并不好受，「完全话无嘢又唔系，捱咗6年佢（学培）终于做到工程师喇，但居然发生意外，真系好伤感……平日我哋尽量都唔提起（学培），避免触景伤情」。
死者潘浩钰母亲泣诉：直头系谋杀嚟
意外中另一死者潘浩钰年仅22岁，当时任职工程师助理。潘妈妈今日亦接受《星岛头条》电话访问，表示：「我接受唔到得两个人，呢件事唔系边一个人，或者某一个环节出错疏忽，佢从第一时间点样去设计，点样去安装呢个天秤已经做错……一路落嚟每一个环节，每一个部门都无人管，无人去理，无人去check，无人去验收，签晒啲假文书。」
潘妈妈又直言「呢啲简直就系谋杀，初初出事我都讲过，呢个系谋杀！我非常赞同徐爸爸睇法，一个全新天秤，由设计、力学、承重量，然后到安装、检测、第三方……佢有好多个环节，如果有一两人出嚟怀疑，觉得佢唔妥，甚至认真做过检测，唔会有呢事情发生」，直斥精进罔顾安全。
事隔一年半，潘妈妈仍未释怀，受访期间不禁啜泣，「我个仔得22岁㗎咋，读咗三年IVE出嚟，喺间公司实习咗几个月，派到去呢个地盘得做咗4个月」，重申「直头系谋杀嚟，唔系打台风，唔系吊得重过头，而系成个基座拗断」，坦言目前希望警方及政府能彻查，查出事实真相，「给全香港市民一个严肃嘅真相」。
---
《星岛申诉王》推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF
紧贴最新最快新闻资讯，请立即下载星岛头条App：https://bit.ly/3Q29Vow
最新回应