星8卦｜「出色」花心死缠唔肯分手 「珠女」撞正天体派对嬲到出烟

「出色」喺行内出咗名花心，但依然咁多囝囝落叠。你话佢唔好咩？佢又真系好长情，好似同「珠女」识于微时，迷恋对方嘅俊朗，所以好快挞着。「珠女」份人好随和，「出色」同佢一齐咁多年，都未停止过有第三、四、五、六者 ，后嚟「珠女」北上搵食，终于觉得要同「出色」有个了断，觉得上面一定会有更好伴侣，于是搵自己友放风话分咗手，大家知啦，呢啲嘢唔系咁快俾大众接受，所以要好技巧咁话畀人知，目的系要唔好阻自己搵真爱。

「出色」知道之后就梗系唔Happy，即刻用尽方法又冧又哄要「珠女」返转头，亦应承佢自己以后专一啲，但佢喺上面嘅时候可以大家玩散餐，只要唔好太认真。「珠女」见佢咁伤心，以为佢真系好爱自己，又畀大家有兼职情人，所以答应维持关系，但每次大家喺香港就只可以一对一。

点知有次「出色」记错日子，以为「珠女」下一个星期至返，所以约咗班当红囝囝返屋企玩，成班囝囝癫起上嚟就剥晒衫裤剥晒鞋玩裸泳，咁啱「珠女」落机开门入屋，吓到成个人呆咗，而成班囝囝都吓一吓，原来佢两个仲未散，搞到「出色」想沟嘅其中一个靓仔黑面，尴尬局面都可以话经典。

 

相关文章：

星8卦｜「叻叻」靠卖料赚人情外快 艺人敢怒不敢言任由宰割

星8卦｜「扮嘢」结婚玩神秘得罪全世界 生女想复出被嫌弃

星8卦｜「阿靓」被「红人」抛弃 闪嫁「英雄」误堕骗局做摇钱树

《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

紧贴最新最快新闻资讯，请立即下载星岛头条App：https://bit.ly/3Q29Vow