专栏｜爱华顿财政状况不妙了

刚刚4月，爱华顿公布2022至23球季财政报告，截止日期为2023年6月，比上一个球季蚀多咗超过两倍，由2021至22赛季的约3,820万镑到22至23赛季的8,910万镑，可以话系非常之夸张。

改制后，英超球会必须在3个赛季间蚀少于1亿5百万镑，每个球季少于3,500万镑就系最稳阵嘅方法，拖肥糖依家已经损失咗8,910万英镑，未来只系剩番1,590万镑两年慢慢去蚀，睇嚟超支系必然嘅事。

要追究点解爱华顿会落得如此下场，最主要2019年爱华顿班主莫斯利家族希望起新球场，佢话有私人市场会提供3亿5,000万镑，咁之后发生咩事？当然系俄乌战事，令到3亿5,000万镑就付诸流水，因为Farhad Moshiri系USM Holdings前主席，USM Holdings系俄罗斯企业，无晒投资者都系正常。然而去到2023年1月仍然话无事，球会系唔会卖，佢可以自己一个人搞掂晒。但事实当然唔系咁，佢已经疯狂搵资金，问咗JP Morgan同MUFG，去筹集5亿镑起新球场，结果都系搞唔掂。

所以下一步就系问人借钱，问咗一间离岸公司RMF，到4月为止，欠款超过2亿英镑，RMF透过葛迪逊公园周围嘅资产批出贷款，令到爱华顿每个星期都还几十万英镑出去。
周围扑水起球场

另一间就系MSP，亦都借了1.6亿镑起新球场，而本身买家777亦贷款咗两亿镑俾爱华顿继续运作，而777最后唔买，对爱华顿雪上加霜。

爱华顿依家嘅情况，其实都系拖紧，好似以前亚视就嚟执笠嘅时候，都系等紧白武士出手。Willlhappy

-----

《星岛申诉王》推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ