4孩港爸千字文控妻子出轨 揪心苦况逐样数：「事隔半年，真系跳唔到出嚟！」｜Juicy叮

一名港爸近日在社交平台发文，以逾千字控诉相伴20年的妻子出轨，目前仅靠他一人独力抚育4名年幼子女，身陷苦境，一字一泪，揪心感人，掀起大批网民热议。

该港爸于上周一（5月27日），在「香港外遇出轨关注组」FB专页发帖抒发郁结。他披露半年前，如何发现妻子多次出轨，和目前身陷絶境的惨况，港爸的4名子女，最年幼仅4岁，以下是千字控诉文的要点：

男人最痛！4孩港爸控妻子出轨 千字控诉文要点如下：↓↓↓↓

男人最痛！4孩港爸控妻子出轨 千字控诉文要点

「事隔半年，真系跳唔到出嚟」

「同我老婆一齐20年，有四个小朋友，」

「我赚嘅钱全部用晒喺个家度，」

「我对佢系百分百信任，我从来都唔睇老婆手机，」

「有一晚佢开着微信瞓觉，咁我就多事睇吓，」

「见到佢send咗好多性感相俾人，我都知肯定出咗事，」

「再睇上去，见到佢同人开房嘅自拍，」

「即刻捉咗佢起身打咗几巴，」

「佢同我讲只系一次，玩吓，分咗手，」

「佢叫个女求我原谅佢，」

「我衰心软，冇赶走佢，10日冇同佢讲过嘢，」

「去到第11日，佢叫个女同我讲佢要加班，返唔到嚟煮晚饭，」

「我冇理到，当晚我又偷偷地睇佢手机，」

「原来佢冇返工，去咗搵奸夫......」

「点解可以咁样？佢又嚟求我原谅佢，」

「我即时叫佢send我哋1家6口张相俾个奸夫，佢有照做，」

「我嬲得滞又打咗佢几巴，今次佢报警拉我，」

「我有禁制令，开庭前唔返得屋企（21日），」

「喺呢段时间，我查咗佢户口，」

「原来佢每个月都会用五、六千蚊买嘢俾嗰奸夫，」

「我啲钱系好辛苦赚返嚟，养咁多个小朋友，」

「原来佢做啲咁嘅事，成日同我讲冇钱，」

「俾啲仔女食杯面，原来拎晒我啲家用去贴仔，」

「我上完庭，判咗36个月守行为，」

「其实我已经原谅咗佢，」

「我返咗屋企之后，想同佢好好地倾吓，」

「点知讲唔够两句，佢执嘢走话要离婚，」

「我心谂由得佢冷静吓，点知，」

「原来当晚佢又约咗第二条仔睇戏，」

「仲要俾我啲同事撞到正影埋相，究竟佢有几多条仔？」

「当晚我就离家出走，留低啲仔女喺屋企，」

「佢即刻返咗嚟，接咗啲仔女走，到我返屋企嘅时候，已经冇晒人，」

「原来佢哋搬晒去宿舍住，」

「住咗唔够一个礼拜，就有男仔送佢返宿舍，即刻俾人赶走，」

「佢哋五个人冇办法，返咗去佢老窦度住，」

「佢一样日日出去玩，俾啲仔女食杯面，」

「啲仔女终于忍唔住嚟求我接佢哋走，我又衰心软，」

「我接咗佢哋返嚟又要返工，」

「终于俾人捉到我疏忽照顾儿童，连份工都要辞埋，」

「冇工开啲小朋友食咩？」

「佢凑小朋友嗰个几月，我一直有俾钱同家用佢，」

「我一月接返啲小朋友返嚟到今日，佢一蚊都冇俾过啲小朋友，」

「四个月啦，我真系顶唔住，」

「啲小朋友每个月要洗我三万蚊，」

「依家连份工都冇埋，真系唔知点算」

「（妻子是）香港（人），佢15岁跟我到而家」

「我大佢四年......系我唔够时间陪佢」

「我大仔同大女都唔系细路哥，」

「佢哋知道妈咪做咗呢啲事，仲唔要佢哋，」

「佢哋自己主动封锁咗佢，」

「就系因为呢件事，佢上个月返嚟打咗个女，」

「搞到件事越嚟越严重，」

「佢妈咪依家好似黐咗线一样，又有新男朋友，」

「每日周围饮饮食食，仲要发微信俾我知道，」

「我都识好多人偷食，但冇谂过嗰个系我，」

「最细嗰个得四岁，条路真系好长。」

「妈妈（指港爸妻子）挂住返工同拍拖，当佢哋好似狗一样咁样养，」

「放低兜饭俾佢哋，食就食，唔食就食杯面。」

「社区中心只照顾11岁以下，」

「社区保姆系好平，但系唔系一定有，」

「依家佢哋妈咪突然间走咗唔理佢地，」

「我觉得小朋友心理影响好大，所以想自己陪伴佢哋先，」

「四个小朋友加埋我洗三万蚊，只系饮饮食食同埋交费，」

「保护儿童科嘅社工，佢净系不断问我点样好可以保证啲小朋友安全，」

「叫我将啲小朋友交俾社署看管，叫我去返工咩都唔使理，」

「如果我再疏忽照顾儿童一次，就唔会俾我接返啲小朋友一齐住」

「佢（指妻子）一定系唔要，仲话只会请个工人比我，其他唔会理」

「我老婆都几靓女，但系我唔明佢点解要搵个阿叔，」

「仲要同我同月同日出世」

（有网民劝：算啦师兄，女人无咗可以再搵）「一拖四点样搵」

「依家（妻子）又有新仔，我地仲未搞好离婚，佢都够胆发微信」

（有网民问：点解妻子用微信唔系用wtsapp？）「我估因为微信冇电话号码，冇咁容易上身」

「佢（妻子）（去年）11至12月照顾咗佢哋（4名子女）一个月，」

「之后都系我自己一路返工，一路教佢哋学习，」

「佢一定系唔会要啲小朋友」

（回应网民打气）「大家加油！」

 

港爸说，妻子是港人，「佢15岁跟我到而（依）家」，「我大佢四年。」他们育有4名子女，分别为14岁、11岁、8岁和4岁。

他应网民要求，出示了两张他从妻子手机中找到，妻子与怀疑出轨对象的亲昵合照。

由于港爸知悉妻子出轨时，情绪激动，曾对妻子动粗，妻子其后报警，港爸最后被判36个月守行为。

应网民要求出示妻子与奸夫亲昵照

他表示，「佢（妻子）叫个女求我原谅佢，我衰心软，冇赶走佢」，未料妻子继续出轨，而且不断更换出轨对象。港爸更发现，妻子每个月都会从家用中，「用五、六千蚊买嘢俾个奸夫」。年初分居时，由妻子照顾4名年幼子女，但是，「（妻子）当佢哋好似狗一样咁样养，放低兜饭俾佢哋，食就食，唔食就食杯面」，他其后接回子女独力照顾，并因此被迫辞去工作。

他无奈说：「我都识好多人偷食，但冇谂过嗰个系我。」「事隔半年，真系跳唔到出嚟。」「（子女）最细嗰个得四岁，条路真系好长。」他表示其个案目前由社署跟进中，未来日子「好大机会系返兼职+拎综援。」

网民纷纷留言为港爸打气，「悲剧，但系捱过就好，仔女大个会知道。」「加油！你可以的。」「这种痛，能理解。」「为咗仔女撑住！」

不少网民亦呼吁面对伴侣出轨，絶不应诉诸暴力，「我知你好嬲，不过打女人，讲到天脚底你都系唔啱。」「冲动累事，郁手就输了。」「无论点，打人就唔好。」

目前，社会福利署及非政府机构为离异家庭，提供一系列支援服务，详情可按此浏览。

同场加映：油麻地捉奸｜悍妻猛踢倒地「烂滚夫」：咁丑样都同佢瞓？丈夫居然咁答↓↓↓↓

油麻地捉奸｜悍妻猛踢倒地「烂滚夫」：咁丑样都同佢瞓？丈夫居然咁答

（影片全长约38秒）