星8卦丨「高妹」扮锺意女人呃「小姐」好食好住唔舍得分手

2024-06-14 11:30

讲起扮直同扮挛呃饭食，「高妹」又真系去到好尽，明明同「导演」都未分手，但见「小姐」对自己生滋猫入眼，即刻同男友分手，当时情况又好难讲，毕竟贫贱夫妻太穷唔到你有情饮水饱。

「高妹」见「小姐」家底好，最紧要系舍得，喺埋一齐两个月就买咗部车畀佢，型号仲系自己一直想要嘅。期间仲搬咗间大屋，虽然系租，但「高妹」未试过住咁大单位，梗系好开心。「小姐」唔难服侍，而且比男人更温柔同大方，「高妹」呢段时间身光颈靓，靓表都几只，加加埋埋都有7位数字傍身，仲系送咗出去唔会收返。

可惜真系做唔到真心对对方，唔可以变性向就只会难为自己，「高妹」好快又同「才子」眉来眼去，佢仲以为「才子」有啲钱，迟啲喺「小姐」身上搵够就跳船，但好死唔死「才子」嘅好朋友系「小姐」嘅生意拍档，好快就将「高妹」成日嚟搵「才子」嘅事讲畀「小姐」知。

「小姐」梗系伤心，但都畀机会「高妹」，直情话如果佢唔系同自己系一种人就唔好浪费大家时间，「高妹」衰格咁又喊又扮情深，话对「小姐」系真心，只不过同「才子」沟通得好啫！而家好多朋友都昅实「高妹」，因为明知佢系呃「小姐」钱，但「小姐」又鬼咁锺意呢款女人，所以只能等机会捉到「高妹」错处令佢死心！

其他文章：

--------------------------------

由即日起至6月20日，只要参加「市民对特区政府满意度调查」问卷，即有机会赢取Panasonic护发风筒、Casetify充电器、大家乐$50餐饮券等丰富礼品。即点击https://bit.ly/4csd4qL

紧贴最新最快新闻资讯，请立即下载星岛头条App：https://bit.ly/3Q29Vow

關鍵字

星8卦丨「公子」搵名媛姐仔过桥呃父母被踢爆唔做戏直接出柜