44岁Amanda S.拒做医美公开零老态秘诀离婚10年错过生B时机唔恨再婚丨独家

2024-07-11 07:00

Amanda S.相隔16年再拍电影《海关战线》，首演反派军火商「Dr. Raw」的她大呼好玩，仲话广东话叻咗，对演戏更有信心，坦言「讲广东话对白及睇中文剧本完全无问题」，各位导演可以留意返。年届44岁，离婚10年的Amanda状态仍然极佳，不过她认为已错过生B最佳时机，冇谂过再组织家庭，拍拖开心最紧要。采访：杜杜摄影：朱伟彦

Amanda希望有更多演戏机会，强调讲广东话同国语都无问题。

Amanda上一部电影是2008年《十分锺情》单元《最后一口价》，坦言出道时好多戏拍，但之后经常不在港致错失大量机会。她在《海关》首演反派军火商「Dr. Raw」好兴奋，「平时我都系做啲好乖嘅女仔，做Big Boss好神奇，做反派做到啲人锺意有啲难度，呢个反派好好玩。」贵为名模的她又赞角色造型够特别，「食雪茄，着好靓嘅衫，戴珠宝，又有太阳眼镜，试身时都几开心，皮裤都有3个色，好高贵。」

2001年，Amanda拍摄首部电影《愿望树》与陈冠希合作。

Amanda在《海关战线》演反派军火商「Dr. Raw」。

Amanda出席《海关战线》香港首映礼。

见到霆锋有压力

Amanda由2017年开始，经常以甜品师身份跟谢霆锋合作，但在《海关》是首次在电影上合作，虽然两人没对手戏，但因霆锋的动作指导身份令她好紧张，「导演同埋指导啲mon喺比较远，有次我拍完，霆锋突然行出嚟，佢喺度我会紧张啲，好彩我唔知佢喺度会好啲。佢又咁识做戏，知道佢喺度睇有压力，同埋霆锋对自己及其他人要求都好高。」

Amanda跟霆锋曾在美食活动上合作多次。

日前Amanda跟霆锋等人到内地i为《海关战线》谢票。

日前Amanda跟霆锋等人到内地为《海关战线》谢票。

在戏中，Amanda讲全英语对白，拍摄较以往轻松，她坦认语言阻碍了圈中发展，「啲人唔知我可以讲国语、讲广东话，初初我拍戏时，我啲对白都系用国语讲，跟住再用VO。」她认为现在广东话有进步，有信心讲中文对白演戏，「香港人成日同我讲听多啲讲多啲，系真嘅，电话可以听电台，我会听埋，广东话嘅语音讯息，我听系冇问题。」她笑言睇中文剧本亦冇问题，「有Google translate，哈哈！」她又指初来香港做电视节目都勇敢讲广东话，唔惊失败，「我唔惊做错，以前做访问成日都讲错嘢，隔篱嗰个话错呀，哈哈！多谢你哋成日提我，唔系咁嘅意思要再讲，多谢大家畀机会。」

Amanda认为现在选择工作和爱情，都要开心为目标。

2018年，Amanda父亲患病离世，令她重新审视人生。

冇做妈妈嘅缘份

Amanda曾于2015年开设法式甜品店「Petite Amanda」，2020年再于中环开设Pop-Up饼店，她表示暂时无意再搞生意，「好锺意做甜品，疫情嗰时开过pop-up，但个厨房唔系我，嗰时搵厨房好容易，𠵱家搵就难，同埋要搵到个好拍档先，要识得营运，因为我做生意唔系特别叻，但我可以谂啲口味出嚟。」

2014年，Amanda在铜锣湾开设首间饼店「Petite Amanda」。

44岁的Amanda依然keep得好好，她笑言花很多心机保养，「最紧要皮肤靓，一定要好乾净好保湿，又好锺意做mask，又会去美容院，都有针灸嗰啲。」不过她宁愿优雅地老去，拒绝做医美，又努力做运动维持体重在50kg，偶然容许55kg，「畀空间自己开心，都要爱自己。我系keep住郁，不停做运动，游水、室内踩单车、健身、行山，仲好锺意滑水。」加上她先天条件呃到人，「我块面特别瘦，肥喺pat pat位。」

Amanda爱玩户外运动，包括滑水。

为食的Amanda，靠狂做运动维持体态。

2014年跟意大利籍丈夫Christian结束3年婚姻，Amanda之后亦传有新恋情。问到感情状况，她用「开心」来形容，「我𠵱家拍拖嘅好处，系唔会为生小朋友，最紧要搵到个人对我好，有爱情。」她称10年前有谂过生BB，但现在已放低，「呢个唔系我嘅缘份，生小朋友好容易，但系要有个家庭，要搵个啱嘅人一齐生，要嘥好多心机同时间照顾小朋友，嗰时离婚冇再结婚，就放弃！」