星8卦丨「霸道」心计重逼走同门做一姐 嫁入富门无钱驶重出江湖𤓓爆
2024-08-27 11:30 
「霸道」 成世人都锺意争，以为签到好东家，谂住做一姐，喺公司用尽媚功搞掂「大佬」，将有咁上下份量嘅同辈都逼埋墙边。首先梗系「同乡」，由于性格比较内敛，「霸道」成日叫「大佬」将啲大 Job派畀自己，「同乡」论人气同才华都比佢好，所以「同乡」越嚟越郁郁不得志，要搵码头转，虽然而家个老板对佢都唔错，但唔见得当佢系宝，所以情绪上有郁结。
相关阅读：星8卦丨「纯品」错爱「怪人」被分手 用附属咭支持靠「怪人妈」
「细妹」 仲惨，一直被视为重点栽培，因为有啲才华，啱啱冒起就畀「霸道」揿到实，仲要玩埋雪藏真凄凉 。自从识咗「有钱仔」，「霸道」见男人咁大生意，就无心再争，谂住凑掂男友唔使做，而且三扒两拨就结埋婚，仲要神神秘秘，从此佢就被封咗个花名叫「十不做」，公司叫佢做乜都推，话以家庭为重。婚后至知「有钱仔」追自己嗰阵已经叫阔佬，但送过啲乜真系唔多矜贵，「霸道」谂住做埋老婆就一定可以分佢身家，喺今日有钱男人唔太多嘅情况下，呢个笋盘都要mark住 。
点知原来做咗老婆反而更加唔畀钱驶，仲叫佢要悭啲，因为市道唔好，最近亦蚀咗好多钱。「霸道」 之前谂住收山嘅态度即刻180度转变，而家日日返公司蒲头，虽然系人哋老婆，但对「大佬」狂施媚功，始终一场旧相好，所以都叫大家搵啲好嘢畀佢做，加埋公司畀佢搞走嘅都唔少，唔畀返佢做一姐都冇得拣啦！
其他文章：
星8卦丨「娇嗲」「阿仔」真心相爱结良缘 奶奶变态行径破坏夫妻关系
星8卦丨「高大妈」阻住阿仔拍拖出奇招 冷饭菜汁招呼「花旦」终分手
星8卦丨「忠心」嫁人被逼增肥扮丑 「高大」大男人真身暴现新婚变分居
最新回应