星8卦丨「姑姑」畀绿帽「浮跨」戴 急嫁「才子」最终顶唔顺分手
2024-09-03 11:30 
「姑姑」 真系唔系行到最后一步，都唔会同「才子」分开，因为同太自我嘅人一齐，辛苦只有自己 。话说「姑姑」作为过江龙，都算好叻女，喺出生地同经理人搞埋一堆，最终畀人雪藏，搞到情绪病。
嚟到呢度搵方法识咗「浮夸」，屋企有好多唔见得光嘅钱，就梗系投身娱乐事业洗白啲身家啦 ！
相关阅读：星8卦丨「甜甜」自力更生吊高嚟卖得罪「班霸」「东家」求开工待遇惨过做新人
「浮夸」锺意清纯，所以「姑姑」喺佢面前成日好早瞓觉，又唔去夜街，嗰几年又真系畀到钱同工作机会 ，你哋又要服「姑姑」真系收心养性，完全做个正常人。但「浮夸」始终唔系可以托终身嘅人，所以「姑姑」好快就同「男主角」搞暧昧，博对方唔知道，试下大家可唔可以行落去 。
结果有次「浮夸」去搵「姑姑」，谂住佢瞓咗，所以唔出声去睇下佢，点知唔见佢系屋企，于是开始注意佢嘅行踪，结果踢爆自己戴紧绿帽，「浮夸」搵人教训咗「男主角」，打到猪头咁，就更加令「姑姑」下决心要分开。
喺落魄嘅情况下，佢见「才子」对自己一直唔错，所以即刻话有咗同佢结婚 ，但「才子」咁多年唔勤力搵钱，唔养家之馀仲觉得自己好有才华， 久而久之「姑姑」觉得唔知为乜，所以等啲小朋友返晒小学，就提出离婚 ，呢几年浮浮沉沉，钱搵唔到，但起码有自由，身心健康啲！
其他文章：
星8卦丨「霸道」心计重逼走同门做一姐 嫁入富门无钱驶重出江湖𤓓爆
星8卦丨「纯品」错爱「怪人」被分手 用附属咭支持靠「怪人妈」
星8卦丨「娇嗲」「阿仔」真心相爱结良缘 奶奶变态行径破坏夫妻关系
關鍵字
最新回应