星8卦丨「大只」以为嫁硬「才华」被抛弃 搵个男人扮结婚激将法害自己下半生

「大只」系一个自视好高嘅女人，当初锺意「才华」完全系任性，仲搞到人哋老婆要生要死。「才华」同任何男人无分别，有后生女埋身梗系来者不拒，后嚟「大只」控制唔到自己嘅感情，一直对「才华」死缠烂打，所以「才华」最后将佢捧到扬名立万。当人人以为两个人一定可以行到最后，但「才华」话咁快就同另一部自己捧出嚟嘅女主角公开恋情。

相关阅读：星8卦丨「冻冻」为生活畀「书生」嫌弃 遇「英俊」搭棚呃身家苦命女人

「大只」直情癫咗，加埋好胜心驱使，佢即刻搵人喺外地影咗啲亲密相，等啲人视线去晒自己嗰度，仲好快主动话畀人知呢个系自己未婚夫，两个人秘密拍咗拖几年，而且好快结婚。「大只」好聪明，搵咗呢个所谓未婚夫其实系佢之前一位老相好嘅经理，两个人夹埋真系做咗场好戏，仲度咗个故仔包到经理系一个出色嘅人材。

呢几年佢两个都仲时不时扮畀人撞到，因为「才华」最近又做咗老豆，每逢对方有喜事或攞奖，经理呢个工具人即刻要出嚟配合做返场恩爱戏码。「大只」反正都系用自己方法令身家丰厚，而且同经理一齐入埋外国籍，门面幸福到完全无破绽。不过为咗激一个唔肯娶自己嘅男人，牺牲下半生可以搵到倚靠嘅机会，又真系偏激咗同固执咗罗！

 

其他文章：

星8卦丨「妹妹」被老豆抛弃艰苦养家 「猛爷」重拾初恋爱得认真

星8卦丨「娇嗲」任性离婚捱穷重病 前夫重情义照顾成为好朋友

星8卦丨「妈咪」命苦嫁错又嫁错 靠「世家」包养生活无晒朋友

星8卦丨「气质」「混血」太穷被逼分开 痴恋「专业」骗财骗色以为执到

星8卦丨「姐姐」 一早食咗「俊俊」 安排认爱形象正面长做长有