星8卦丨「唱将」生完仔复出搵钱 扭拧拣Job计划再生几个

好唔容易等到「唱将」 蒲头，经理人满心欢喜希望趁住个势谂住搵返啲钱好过年。但「唱将」瞒晒全世界生咗仔之后，一直都唔畀公司知佢已经做咗阿妈，口系话要返出嚟搵钱，但助手接到嘢搵佢做又唔系成日覆机，所以到而家经理人都未曾落实到呢两个月可以点样有收入。

相关阅读：星8卦丨「青筋面」耍手段擦「福伯」鞋  攞大奖人缘心地差依然冇运行

「唱将」份人情绪化，好自我，好似生仔呢件事大家以为佢系任性，原来佢一直好锺意小朋友，但唔知点解迟迟未大肚，足足用咗两年时间，搵咗唔少大师问点样可以生BB，问完医生又去问牛鬼蛇神。

佢同身边啲人讲生一个未够架，最好生到 3个至5个，成屋系人最开心，可能系佢童年太孤独，所以一直想多啲亲人，就谂到自己生，但生完养仔女要驶好多钱。最衰「唱将」平时唔系好锺意搵钱，所以冇乜积蓄，呢个世界唔勤力冇钱会系天跌落嚟，所以佢好矛盾，知道生一个都唔多够钱用，何况生多几个。

而家对住阿仔好开心，仲谂住自己生得再接再厉，问题系银行存款唔够，心理上又抗拒做太多嘢，只想接一啲型又合自己心意嘅工作，加上娱乐圈好现实，冇见你一排，冇人再记得你，无价又无市，「唱将」再咁拖，真系连搵钱都冇机会！

 

其他文章：

星8卦丨「大只」以为嫁硬「才华」被抛弃 搵个男人扮结婚激将法害自己下半生

星8卦丨「冻冻」为生活畀「书生」嫌弃 遇「英俊」搭棚呃身家苦命女人

星8卦丨「妹妹」被老豆抛弃艰苦养家 「猛爷」重拾初恋爱得认真

星8卦丨「娇嗲」任性离婚捱穷重病 前夫重情义照顾成为好朋友