伍仲衡被炒鱿｜选秀节目评审频惹争议 肥妈赵增熹躺著中枪 《全民造星》现最hea评判 陈洁灵：评语要到肉
2024-12-10 15:40 
音乐人伍仲衡近日被停任《中年好声音3》的评判工作，事后TVB发声明表示：「关于节目《中年好声音》评判状况，本节目一贯邀请具有不同专业背景的音乐评审参与，以确保节目的专业性和公正性，选出真正具有才华的音乐人才。」伍仲衡被「炒鱿」调出《中年好声音3》评判团，获不少网民大力支持，有网民直指不满他的评分准则。其实过往不少选秀比赛的评判表现都曾惹来质疑，《星岛头条》为大家重温多位曾被批评的选秀节目评审，包埋肥妈、赵增熹等争议事件，到底网民为何质疑他们的表现？当事人又如何面对网民的批评？
伍仲衡做评判表现被批评
facebook群组「中年好声音3粉丝情报交流讨论分享区」日前有网民分享，留意到伍仲衡被「炒鱿」的消息一出，按赞的人数众多：「刚刚发现一个群组，入面九成几嘅人都系因为伍仲衡畀人炒而赞好，大家有兴趣可以去睇下佢哋嘅留言，另外仲有好多群组系大部分嘅人都系赞成或者为伍仲衡畀人炒而高兴，小弟都系照事实分享，其实好简单，我都系search伍仲衡个名，之后入啲群组先知道原来佢咁多人讨厌佢，系一面倒。」而留言区亦有网民道出认为伍仲衡虽然是音乐人，但不适合做评判的原因，「抵炒，一个不负责任嘅评判。唱得好吾（唔）好都系吾（唔）比（畀）灯、返屋企瞓觉啦送佢四个大字不知所谓」，连伍仲衡亦曾分享，在电视城巧遇李家鼎，对方都向他表示：「揿灯呀！」可见伍仲衡「手紧」已成他的形象。
相关阅读：伍仲衡被「炒鱿」后首谈中止合作感受！强调与TVB冇不和 揭签洪心怡真正原因
选秀比赛评判唔易做？
伍仲衡「港普」成争议点
亦有网民认为《中年好声音3》加入新加坡、马来西亚及大湾区的选手，但伍仲衡的英文及普通话都不及其他评判流利，说评语时有所规限，有网民尤其不满他多次以说港普做搞笑效果，「炒得好，这年头不会听国语、讲国语要当甚么评审」、「吾（唔）识国语冇问题，佢仲以此自豪」，不过亦有网民指出，伍仲衡的港普是节目特色之一，认为很有效果，可见网民反应两极。
肥妈「长明灯」评分准则被批评
肥妈（Maria Cordero）是《中年好声音》系列固定评判，三季以来网民对她的质疑不比伍仲衡少，近来《中年好声音3》热播中，她在比赛初期多次极速按灯给参赛者的行为一度受网民质疑。曾有网民在facebook群组讨论说「听一句就按灯我真系唔知佢想点」、「一个可有可无的所谓评判『玛利亚』不单只乱按灯，听一句就按灯？还要影响其他评判」，连拍档伍仲衡也曾在节目中笑指肥妈「盏灯未熄过」。肥妈当时的回应：「人哋打低咁多人嚟到呢度，唔值一盏灯咩？」对于网民批评「长明灯」做法，其实肥妈亦曾回应因要有一盏灯，参赛者才可以露面，她视按第一盏灯是「鼓励灯」。事后有网民认为肥妈专业且富同理心，直言是「躺著也中枪」。
相关阅读：中年好声音2｜杨千嬅任决赛评判被狠批未够班 伍仲衡遭拖落水反击网民冇常识
赵增熹评语狠毒又直接
TVB的《声梦传奇》系列近年为香港娱乐圈发掘不少新星，不少网民对于评判应该以鼓励形式还是严格形式评分采两极看法。音乐人赵增熹2021年为《声梦传奇》担任评判，当时他被网民指批评参赛者的评语太狠，其中一集，他评论Rock何晋乐、泳儿、JW王灏儿唱出《裙下之臣》的表现，直斥Rock何晋乐在表演中可有可无：「你喺呢个表演入面系失踪咗，你喺唔喺度都得㗎！因为冇人睇你呀，咁你企喺度做乜嘢先得㗎？你喺呢个表演中要做个咩角色，令我哋会睇你呀，全部评判同导师都系望隔离（泳儿、JW王灏儿），但我唔系畀分畀佢哋呀嘛，系咪？」
作为本地音乐界的殿堂级人物，赵增熹在节目中的评语一向犀利，一众同场歌手被吓一跳。事后赵增熹曾指，认为自己只是「做开平时做嘅嘢」，对于被网民质疑打击年轻参赛者的信心，赵增熹表示：「冇咁谂，只因少时间评论，所以尽快讲，直接啲好嘅。」
《全民造星》曾现最hea评判
ViuTV的《全民造星》系列近年同样捧出很多偶像，过往亦找过很多行内人做评判，当然亦有评判受到批评，当中包括萧定一、张建声及导演吴汉邦都被网民批评评语太「hea」，连当时的导师刘美君都忍不住冲到台前理论。萧定一曾在其中一个环节以邱士缙（Stanley）的胸肌成为二选一的准则，又指涂毓麟（Oscar）的名字太普通：「你觉唔觉得Oscar呢个名比较普通？会唔会好容易同人撞名？」连涂毓麟本人都觉得奇怪，曾受访表示：「本来预期comment系同表演有关。」姜涛亦表示：「我喺后台听都有啲奇怪，唔系好理解，好似搞唔清重点。」
《全民造星》导师不满评判言论
除了萧定一，张建声亦曾在节目中点评参赛者的造型：「你个头搞乜」，而导演吴汉邦看不懂表演安排亦表示：「做咩要掟啲眼镜啫，即系你见唔到咩原因要咁做，除咗你觉得你自己好型之外。」导师火火都觉得批评不合理，「咪就系要话你知『我哋好型』罗！」导师Eric Kwok郭伟亮亦质疑评判只懂抨击名字、发型，未有全面评论表演的实质问题，监制花姐亦不满：「可唔可以讲啲有意义嘅嘢……火都嚟埋呀！」刘美君更直接爆粗：「X你个肺！」她曾受访表示：「我忍无可忍决定讲清楚，我都戥ViuTV唔抵，因为有人喺网络留言，认为有设计情节。我呢个人锺意伸张正义，做呢个节目系想帮呢班有心喺呢个圈发展嘅细路，有人唔认真批评，我好劳气。」
相关阅读：40岁张建声晒咀嘴照认爱！与工展小姐发展父女恋 嫩口女友频晒丰满身材劲吸睛
王贻兴被批评语太刻薄
王贻兴在《全民造星II》99强首回合时，曾以导演及编剧身份担任评判，他被网民指评语太刻薄。其中一集王贻兴对YouTuber Boris（黄浚铭）的唱E-kids代表作《开始恋爱》的表演相当反感，更听到扔笔，他指：「其实要唱得好过E-kids真系唔难，但你出咗事……唔难唱、唔难做，你只要五音全啲，成件事认真啲，已经可以好好睇。我觉得佢系一个好charm好可爱嘅小朋友，但系唔适合入行，我头先睇好似隔离台10年前儿歌颁奖典礼，好打冷震。」Boris更被拍到在后台痛哭的画面。
相关阅读：MIRROR演唱会丨王贻兴大爆ViuTV内部黑幕 数臭有人私相授受度缩悭皮
王贻兴对星二代都冇面畀
另外，王贻兴亦指参赛者鱼旦将唱歌与演戏结合影响发挥，「你不如单纯地、用心地做好一个表演，唔好搞埋晒一堆立杂嘢，我都唔知你做乜！《全民造星》唔系帮你阿爸阿妈教仔嘅地方。」连旁观的MIRROR队长Lokman（杨乐文）也觉得王贻兴评语太狠。
而有星二代光环的姜大卫儿子细John（姜卓文）亦难逃被王贻兴狠批的命运，表演唱歌加Rap，却因打扮被批评，王贻兴指：「你仲着埋件Joker嘅牛件褛，但成事件又唔playful，又唔crazy又唔型。我哋已经系冇理会你任何背景，斋从你个表演去睇，其实系咁样……如果大家了解你背景之后会对你更加严格，以你屋企人嘅背景，你做100分人哋当你做70㗎咋，所以你唔做够130分，我哋好难畀90分你。」王贻兴曾解释希望可以严谨对待用心表演的参赛者，亦考虑到真人骚需要有效果：「所有嘢都系非常之有善、亲切地将所有评语讲出嚟嘅时候，第一节目效果唔好睇，第二对于参赛者嚟讲，都唔能够当头棒喝畀到啲更好嘅意见佢嘅。」
陈洁灵分享做评审心得
陈洁灵本身是一名歌手，亦是歌唱老师，学生包括如今已是天后级人马的容祖儿、Twins等。过往她曾为多个选秀节目担任评审，包括《超级巨声》、《全民造星》及《中年好声音》等，她接受《星岛头条》访问分享做评审的心得，直言要几分钟内点评一位参赛者并非易事，陈洁灵表示：「其实有时畀评语系难嘅，我系睇个参赛者长远有冇发展、有冇天份，我自己系歌手，我都参加过比赛，我希望以过来人身份帮佢哋得到更多嘢。」
陈洁灵说评语采直接风格
陈洁灵认为给评语最重要的是直接而且「到肉」，陈洁灵说：「你去参加一个比赛嘅时候呢条路唔易行，要讲啲冠冕堂皇嘅说话唔难，但如果系个有资历嘅评审，你唔系想佢（参赛者）发梦㗎嘛，都要现实啲，有啲嘢佢要面对。佢唔系参加个比赛就前途一定美好、无可限量，佢啱啱先开始踏入去一个新嘅挑战，应该要畀佢一个心理准备，唔只系唱唔唱到嘅问题，有时心理上都要承受一啲嘢。佢接受到都对佢日后有帮助，接受唔到都唔好发白日梦啦！返学都有啦，你唔得，人哋咪畀个D你罗，唔通你话老师『肥』我，伤到我自尊心？咁点得呀，一系就唔好参加。」
陈洁灵做评审绝不人身攻击
陈洁灵给评语亦有个人宗旨，就是不会人身攻击，「我唔会讲一啲伤害佢嘅说话，即系我唔会话『你咁丑』，如果系批评个样、衣著……太狠批嘅就冇必要，因为同唱歌系两回事。」陈洁灵更想为评判抱不平，「其实我哋讲嘅说话可能系有前文后理讲咗3分钟，但节目可能只系剪你一句，你冇睇前后听落就好似好hurt，咁唔公平。咁我又唔觉电视台错，佢系个娱乐节目，唔通畀你讲晒3分钟咩，但如果句句评语都剪晒出嚟个节目可能系8粒钟，现场录可能有嘢铺层去同个参赛者讲，但佢一拣就拣咗嗰句。观众唔知就以为你嗰句说话咁辣，咁对评审嚟讲好难做。不过其实我哋都预咗，所以讲评语时都会好小心，尽量做到对事唔对人啦！」
陈洁灵做评审一招避是非
陈洁灵过去做评审虽然严格，但甚少因评语而被批评，她直言可能自己好彩，不过她向来不以评人为接评审工作的目的，「我系想同参赛者分享，我希望佢哋有得著，我未必啱晒，但都系希望帮到佢哋，我唔系想泼人冷水。可能有时我讲评语都偏技术性啲，就避咗啲是非啦！」
陈洁灵指评审自行找定位
对于有网民质疑，可能选秀节目都需要效果，安排评审分别担任「好人」与「坏人」的角色，陈洁灵分享原来节目组从来没有这样的安排，「其实唔系设定嚟，系每个评审有自己性格，自己搵到定位。我做过唔同节目，都冇叫你点做㗎。我就希望可以客观啲，有时见到真系好嘅，反而多啲嘢讲，更加针对佢嘅弱点，呢个就真系爱才嘅，就系因为佢叻，更希望佢再进步。」
陈洁灵不想签歌手：我唔系一个人才
被问到有没有「评审瘾」，陈洁灵指近年仍有做不同比赛的评审，包括在过去7月举行的《校园好声音-唱响中国》比赛，「睇时间啦，有时间咪做罗，我都enjoy嘅，做评审嘅过程中都认识到好多超班嘅新人。」至于有没有签歌手的计划，陈洁灵表示：「紧系唔会啦，一定唔会！因为我冇资格，签人你要有好多connection（联系），我亦都唔系呢方面嘅人才，首先我唔系一个人才，我知我唔系人才就紧系唔会做，虽然有好多人叫我签边个签边个……唔系嘛，讲都唔好讲啦，自己知自己事。咁人人唔同，或者人哋有联络、人哋谂法唔同，我就一定唔会罗！」不过陈洁灵不介意做介绍人，为唱片公司推荐有潜质的歌手，以往亦曾为萧正楠、郑希怡等后辈与唱片公司作介绍，不过是否合作成功则不想干预。
最新回应