「迷晕党」疑杀入将军澳 专拣单身男落手 网民爆受害经历感觉似......｜Juicy叮
2025-01-17 11:01 
新年前后、年近岁晚，都是骗徒勤力出没搵快钱的黄金时间。近日便有怀疑「迷晕党」杀入将军澳行孖咇，两名长发女子于昏暗街头专拣单身男士落手。有网民更自爆早前中了「迷魂招」损失4位数字的金钱，并具体忆述中招后的感觉。
由于两名长发疑似女骗徒频繁出动，被不少网民点了相，纷热心分享两人出没呃钱的地点，希望大家提高警觉，把「迷晕党」、「呃钱党」赶尽杀绝。
相关阅读：的士「电骗党」疯传！一招以「转数快」疑呃钱 网传屯门元朗有司机中招
「迷晕党」疑杀入将军澳行孖咇逐张睇 ＋ 网民好机警↓↓↓↓
楼主：声称无钱开饭
楼主早前在facebook群组「将军澳主场」上载短片及相片，以「街坊注意」为题发文，指「在唐俊街DONKI对出，有两个一高一矮怀疑『骗钱党』出没！她们选择灯光昏暗嘅地方问单身男士，声称无钱开饭，高嗰位负责去答讪，矮嗰个可能手中预备不知道甚么烟而有所动作。事败后掩面而逃，走向MTR方向！大家请自行判断真伪，但也希望在农历新年前提高警觉」。
相关阅读：中年汉得6蚊唔够钱食快餐店早餐 港女接济20元 结果意想不到！
「迷晕党」疑杀入将军澳行孖咇逐张睇 ＋ 网民好机警↓↓↓↓
网民：勿让妖物埋身
现场临近将军澳海滨长廊，私楼林立，网民知道骗徒正在「找高尚住宅落手」，并大赞「楼主好嘢，多谢提醒」，也建议街坊们「出入小心呢啲人，就过年开始搵食」、「唔好话年近岁晚，任何时候都要提高警觉，勿让妖物埋身」。
综合楼主上载的两段短片，见到两名衣著光鲜的女子发现遭人拍摄，于商场门口掩面徘徊一轮后，决定拔足狂奔，一口气连过两至三个红绿灯位跑向港铁将军澳站外，最终消失于人群中。
相关阅读：妙龄女屯门通街问攞$20饭钱 网民计出日赚高达$????
「迷晕党」疑杀入将军澳行孖咇逐张睇 ＋ 网民好机警↓↓↓↓
网民：衣著光鲜防不胜防
网民看过短片后感叹「普通人点会咁样走」、「衣著光鲜，防不胜防」。另有人凭自己的经验，细述骗徒的行骗手法↓↓↓↓
「估计>95%系呃钱嘅，因为我有丰富经验，我个Ｘ样系佢哋最锺意嘅目标，佢哋专拣阴暗环境，无CCTV（闭路电视）嘅地方，例如行人隧道或日落后......首先问路......然后无钱搭车或食饭......你一举机佢哋就走......」。
相关阅读：「落难党」杀入油塘 举牌列明银码XXX讨饭钱兼路费 网民大爆行踪
「迷晕党」疑杀入将军澳行孖咇逐张睇 ＋ 网民好机警↓↓↓↓
网民自爆遇迷魂党经历
对于楼主提及「矮嗰个可能手中预备不知道甚么烟而有所动作」，有网民直接回应指，这「可能迷魂烟，丧失反抗能力」、「真系有迷魂烟，最近好多细路仔女喺尖沙咀畀咗钱人」，还有人自爆亲身经历↓↓↓↓
「早几日我中咗招......类似『迷魂党』，感觉好似被人强制索咗啲『乖乖水』咁佢讲乜你做乜，身体控制唔到，但清楚知道自己做紧啲咩，咁就揿咗几千蚊畀人」。
还有人提醒「大街大巷就唔敢用迷魂烟嘅，单车径就好难讲，总之将军澳嘅居民小心啲啦，尤其是开铺头嗰啲，佢哋通常会两三个一齐入嚟，分散你注意力，就会偷嘢」。
相关阅读：身光颈靓「呃饭党」出没 长发女向男子落手 当街嗌ＸＸ、ＸＸ
「迷晕党」疑杀入将军澳行孖咇逐张睇 ＋ 网民好机警↓↓↓↓
网民热心提供出没地点
两名长发女子可能出动得太过频繁，被网民点了相，指「呢一对经常喺度出没」、「经常问途人攞＄」，不少人甚至记得两人在区内，以至区外的出没地点↓↓↓↓
将军澳区内：
•「坑口都见过类似手法，又系两个女」、
•「喺富康花园，出现5:45，问人要钱」、
•「今日下午3点几喺将军澳差馆对面见到佢问个阿伯攞钱」、
•「之前新都城见过佢哋两个。Same case（同样个案）」、
•「嗰日喺宝林邨宝宁楼都有两个，追住啲阿叔阿伯攞钱，大家小心」、
•「今朝先入咗嚟将军澳村问我老公可唔可以借钱畀佢食饭！就系佢两个」、
•「今日4点几钟喺（坑口）田下湾村（天后庙）见到佢哋，走埋嚟扮问路，一睇就知系骗徒，直情耍手唔啋佢哋」、
•「我今日下午返（宝琳）鱿鱼湾都见到佢，佢一开声我就行人，之前在fb见过她们......」、
•「之前喺宝盈下面见过两个讲普通话嘅男人，话几日冇食过饭，问可唔可以买个饭盒畀佢？但衣著光鲜，我冇理佢走咗。佢哋系孭住斜孭袋」。
将军澳区外：
•「刚刚在黄大仙港铁（站）附近出现」、
•「曾经夜晚食饭长沙湾见过呢两个女人」、
•「观塘协和街同瑞和街一带都间中有几个」、
•「我喺观塘都濑咗嘢」、
•「这两个女人好行得㗎。油尖旺！都见到这对女人孖宝」。
相关阅读：港男罗湖遭「美女党」纠缠实拍全过程 请饮嘢后出事：「佢拉住我唔畀我走！」最后金钱损失咁多
相关阅读：「白撞党」靠WhatsApp一样嘢食糊 4大常见场景曝光 网民两招杀退骗徒
最新回应