大力士孭336罐啤酒上楼梯？ 网民半信半疑：最顶两盆有古怪｜Juicy叮
2025-01-18 15:33 
一名穿短裤、手部有纹身的大力士，疑似孭著336罐啤酒（粗略估计至少重242磅）上楼梯的相片在网上流传，如此极至力的表现，看得网民目瞪口呆，同时也半信半疑，有人怀疑是改图。有数口精的网民更加详列数据分析，认为最顶两盆共48罐啤酒有古怪。
楼主早前在facebook群组「大埔 TAI PO」以「好Ｘ坚」为题发帖，上载这张一鸣惊人相片，按照片目测，大力士疑似正孭著336罐330ml啤酒上楼梯。
相关阅读：旺角奇人背240罐啤酒行上楼 步履轻盈上楼梯 身份原来系......
大力士孭336罐啤酒上楼梯逐张睇 ＋ 网民半信半疑↓↓↓↓
24罐 x 14pack=336罐
网民赞叹「劲坚」、「24罐x14pack（盆）仲要上楼梯」之馀，也关心到对方的身体情况，指是「辛苦钱嚟」、，提醒小心「整伤自己身体」、「膝头哥好快唔要得」、「条腰好快唔要得」、「虽然系劲，但唔系一件值得鼓励嘅事，好危险」。
有心水清的网民细看照片后开始半信半疑，询问「唔会系AI（人工智能）生成图或改图啩？冇可能最顶高过人头冇嘢挡，而且楼梯咁斜，加埋咁高咁重，到时冇人帮点落地？！」、「企到喺度已经赢咗，佢仲要可以上楼梯真系好劲。但系问题嚟喇放低嗰下先至系重点」、「问题系叠咁高，过咗自己个头喎，点孭上楼吖！」、「唔合比例，个人边度有咁高顶住呀？」、「边有可能，肯定p（改图）」。
相关阅读：黑超筋肉人扶实车厢呢个位 坐空中无影凳 网民期待见到这一幕......
大力士孭336罐啤酒上楼梯逐张睇 ＋ 网民半信半疑↓↓↓↓
14盆=336罐
不过。也有人力撑相中画面珍珠都无咁真，「你有无去过（上环）皇后街⋯⋯啲阿叔两包50kg（约110磅）米都系咁托～佢呢度无100kg（约220磅）」、「高过头就上唔到楼梯？咁你一定系外行人⋯⋯讲多嘥口水」、「好正常呀。以前香港人通常会畀佢再做多两层。酒吧或者楼上食肆都系咁样抬上去，每一次落多两pack行少好多转」。
还是有网民科学化地以数据分析：「一罐啤酒330ml=330g，每盆有24罐，照片有14盆=336罐......呢度约110kgs（约242磅）以上」。
「你睇，大部分人都信先好笑，所以香港咁多诈骗受害人 ! 我计过14盆罐装啤酒，每盆24罐，每罐连罐身约340ml、亦都等于340g，共重约114kgs（约251磅）。要一个人背起、底靠双手10只手指抓，仲要唔系咁多盆绑好。搬部高身雪柜都要束尼龙带，连系双肩先起码食到力。最高几盆仲高过人头好多，前面完全冇挡板借力，根本唔符合人体工学」。
大力士孭336罐啤酒上楼梯逐张睇 ＋ 网民半信半疑↓↓↓↓
细看相片发现第15盆啤酒
还有网民在细心讨论：
•「我好似见过有人真系咁样抬上楼」、
•「系，我大仔以前都系咁抬，但唔系咁高」、
•「真，少佢两盆」。
———
•「我见过真系咁抬上楼」、
•「但唔会有咁高，视乎个人有几高，因为佢要用头嚟顶住最上个两盆」、
•「如果中间两排就合比例，4排个人要起码6尺高」。
最终，有人施施然点出相片可能是「两个人」，这样便解释到最顶两盆啤酒可能是正由另一位大力士搬运，只是相片的拍摄角度刚好拍不到对方的身体而已。
再仔细看最顶两盆啤酒，底部似乎露出了少许顶著的另一盆啤酒。因此，如果全部啤酒都由相中见到的大力士一个人搬运，那便应将这盆也计上，即24罐 x 15pack（盆）=360罐！↓↓↓↓
最新回应