星8卦丨「阿太」被老爷拣选嫁好人家 难顶小三小四骚扰情绪出事

呢排「阿太」开始睇心理医生，其实佢知自己出事㗎，初时一味去整容，谂住可以用容貌逼「老公」睇自己多几眼。但佢唔明白「老公」之所以娶佢，当初系深爱过嘅，而「阿太」亦系「老爷」亲自拣选，「老公」之前咁多女人， 「老爷」都嫌三嫌四，话人出身唔好。其实「阿太」出身都系普普通通，啲历史乾净，又系读书人，再加埋一个好叻帮阿女铺排嘅 阿妈，嫁到好人家都系阿妈嘅愿望。

相关阅读：星8卦丨「丑爸」乘人之危娶「斯文」离婚多年冇断财路证真爱

「阿太」表面系明白丈夫一丈之外就唔系夫，但离谱在嗰班女人觉得自己有机会入宫，所以无时无刻都收到啲莫名其妙嘅口讯，叫佢去呢度嗰度睇嘢，睇乜嘢？咪系老公同啲女玩得几开心罗！「阿太」有试过畀老公知啲女人搞搞震，但「老公」只系淡然讲句唔驶理咁多，你系我老婆。

相关阅读：星8卦丨「花旦」错嫁破产「伯伯」转名下物业被充公蚀大本

久而久之「阿太」真系几痛苦㗎，仲要生咗一堆细路，好似表面好风光，但就唔可以拣自己开心嘅生活方式，同埋阿妈都唔畀佢郁啲话离婚，惟有当乜都睇唔到，亦唔可以同任何人讲自己嘅苦处，当唯一好友「肖姐」见佢开始自言自语，就捉佢去见医生，但听讲目前治疗情况唔系太理想， 所以连阿妈都出动埋，希望「阿太」快啲谂通唔好计较啦！

相关阅读：星8卦丨「才子」耍性格被封冇入息 肯跪低获撑有财有威过新年