专栏 Will知足球｜行车打倒褪（下）
2025-01-26 07:00 
上星期讲过马利斯卡遇到嘅难题，今个星期讲下球员嘅处境，高尔彭马绝对系球队重中之重，今季14个入波6个助攻，而队中无二把手能够稳定输出先系最大问题。
尼古拉斯积逊嘅进步依然唔足够，已经有6场联赛无波入，表现麻麻哋，有几场波正正就系佢无办法拉开领先优势至两球，令球队去到尾段顶唔住。查顿辛祖就埋门能力唔够强，今季实属偶有佳作，对热刺射入天外飞仙嘅一球，其馀时间都几需要唔同球员嘅辅助，唔可以话表现出众，而柏度尼图同马度基亦都系有类似问题。
无人帮到彭马分担
上述一堆翼锋同前锋都需要强大信心或者打开局面先会踼得畅顺，但系要靠佢哋扭转局势似乎有啲难度。所以冬天绝对有需要搵人帮手，真正可以令到「Cold Palmer」唔使孭咁重飞，或者佢哑火时有人可以拯救球队，唔通阿历真度加拿祖真系Mr.Right？Willhappy
關鍵字
最新回应