【维港会】MCL戏院发深情文吁做高质观众 提3次「千祈唔好剧透」

全球Marvel观众期待的《复仇者联盟4：终局之战》（Avengers：Endgame）今日正式上映，相信不少支持了10年的忠实影迷亦甚为感触。MCL戏院昨晚亦在facebook专页发文，分享10年以来的心声，并又呼吁观众遵守「睇戏礼仪」。

MCL院线昨晚在其facebook专页分享一张写着「给观众的信」的照片，并以「俾你踢过无数次的戏院凳」身份发文。MCL在文中指，「大家喺度都留低过唔少脚毛。从第一套Iron Man到依家，由菲林进展到去4k，好开心可以陪住你哋一齐笑过、喊过、紧张过、感动过」。

其后，文中亦提出几项希望观众能注意的事情，例如对经常迟入场的观众指，以免看不到片头、入场时完美阻碍其他人视线，「不如今次试吓准时一次咁多吖？」另外，文中又指「个个都开场前10分钟先拎，成件事就唔止系10分钟㗎喇」，因此建议观众切勿在开场前10分钟取票，应再提早一点，或尝试以QR code入场。MCL亦呼吁，观众,在散场后自行带走食物、垃圾，并指「我唔想你哋为咗我，苦了啲清洁姐姐呀，求放过」。

文章亦再表示，「其实我哋可以见证到一个持续咗十年嘅故事嚟到ENDGAME 一刻，真系唔简单」，并指戏院是一个为大家留下回忆的地方，「希望大家可以珍惜每一个movie moment，做个高质观众」，并指「我都好想以后继续同你哋一齐经历每一个座无虚席嘅moment」。另外，在文末亦再次强调，《复仇者联盟4》需时约3小时，提醒观众记得去完洗手间再入场，并提醒不应在睇戏期间讨论剧情，「有咩返屋企再慢慢讲」，并指「睇戏途中影相偷拍呃like揿电话就更加唔好啦」，以及「千祈唔好剧透，千祈唔好剧透，千祈唔好剧透！」

不少网民其后纷纷留言，大赞帖文「高质」、「讲得好」、「边个写㗎，加佢人工」等。另外，亦有不少人认同文中提及的睇戏礼仪，并指「我都唔明自己嘅垃圾自己带走有几难」、「唔理你系倾剧情定乜都好，入到场开左场就唔该唔好讲嘢，而家啲人好擅无忌惮咁讲嘢当正自己屋企咁，不知所谓。系咁踢櫈呢啲不在话下」等。