【维港会】女网友问芒果生满「脚毛」食唔食得？ 网民喊毛管戙留言：试做激光

芒果快踏入当造期，不少市民都会买返一两个来食。日前一名女网民于Facebook发帖，指将一个芒果去皮后，发现果肉表面满布黑色丝状细条，好似「脚毛」一样，即时吓亲，上网发帖广徵意见。女网友说担心芒果已变坏，请教大家，问「点解一开个芒果个样生满晒脚毛咁嘅？仲食唔食得？」，相片一出，即引来大批网民留言，直呼「毛管戙」、「真系似脚毛」、「好呕心」。有网民比意见，叫事主「试下用脱毛膏」、「做激光」。亦有网民留言叫勿食用，「我食过屙咗4次」。

该名女网民Oo Be Li Ba在Facebook群组「今晚煮乜餸？？」发文，指切开一个芒果去皮后，发现果肉表面满布「脚毛」，「唔知仲食唔食好」，不久大量网民留言，高呼「毛管戙」、建议「搵个钳夹晒啲毛出嚟先好食」、「真系似脚毛」、「 梗系唔好食啦，睇见都唔开胃」、「好似血管静脉曲张」、「杰他他老伯对脚咁款！」、「去做个激光就食得」、「我系一个坏左嘅芒果」。大部分网民都叫事主不要食用，有网民分享经验，指「坏咗，上次我食咗个有小小黑毛的，屙咗4次」，但亦有网民指，「我都试过，我搣晒啲毛，照食」。

有生果档档主表示，芒果有「黑线」的情况少见，认为是芒果「老咗」，生出类似根状物体，不排除也有机会是变坏，建议不要食用。据网上有资料显示，芒果出现似「黑丝脚毛」的情况，是由于芒果存放太久，导致芒果被氧化，原本的纤维素也被破坏了，建议不宜食用。