【维港会】携污糟环保杯帮衬被劝改用纸杯 食客发难：唔识帮我洗咩

愈来愈人自携器皿购买外卖，支持环保。但有食肆侍应大呻遇过有客人自备的外卖杯仍有咖啡，「摆明系饮完无洗」，遂提议对方改用纸杯或先自行清洗，却被喝骂「唔识帮佢洗架咩？又话支持环保又唔肯做多几步」。侍应无奈帮客人清洗，但批评「如果系有心环保嘅，就唔该唔好攞个攞个劲X污糟嘅杯买外卖，你食落肚嘅有咩事我哋都要负责」。有网民就认为「同环保无关，同人品有关。」

该名自称在餐厅工作的网民在facebook群组「西客之道 Hispitality Secret」投稿，指餐厅欢迎顾客自备外卖容器，他认为本身是好事，但偏偏不时遇着一班麻烦环保客。投稿人表示，曾有女食客自携摺摺杯买冻饮，岂料打开时发现杯内仍有少许咖啡，肯定对方饮完未有清洗，直言「真系X咗声」。他于是向食客表示摺摺杯未洗，反问能否改用纸杯或先去清洗再回来，但对方发烂，「大大声地话我哋唔识帮佢洗架咩？又话支持环保又唔肯做多几步？佢话要影相又投诉咁」。最后为免麻烦，他「唯有好屈就咁帮佢洗埋杯。」

投稿人又分享，曾有食客用食物袋买汤面，侍应考虑到隔热及盛载困难，于是拒绝，惟对方表示试过用来买米面，要求侍应先试试。结果厨房员工将面放入袋时，「攞个面碗𢭃住个袋都系入唔到落去，仲差啲渌亲」。侍应于是提议走汤或将汤用碗分开盛载，食客却「劲恶死咁同我哋讲点解人哋得我哋唔得之类咁」。

投稿人慨叹，类似遭遇并非只发生一两次，称自己亦支持环保走塑，但实在很多人恃住环保，特别没有礼貌，劝告「有心嘅客攞个饭壶同乾净嘅杯嚟买，而唔系声大大咁老冯要人就晒你，唔顺你意就话要投诉放上网，真系令人会憎你哋」。

帖文掀起热议。不少支持环保的网民亦批评「认衰晒」，「我会自备食物盒去买嘢嘅，自己食自己洗系自己嘅责任；亦有用食物袋的网民表示，「一定问清楚餐厅用唔用得，唔得就用返外卖碗」、「环保系由自己做起唔系要其他人去迁就你」、「 呢个系客人质素问题.....只不过两单事件刚好与环保走塑有关....实属不幸」。另有网民认为「其实讲环保就少啲外食啦」，又指投稿人不应屈服帮客人清洗，「自备杯唔洗就唔应该要人装落去，肚痛又赖人」。