提子麥包不准叫XX？港人茶記買麵包被店員1句話惹怒網民嘲以後買麵包要講全名：唔該要個長情腸仔包

2024-01-09 00:00

茶餐廳出品的麵包及糕點是不少港人下午茶的熱門選擇，然而最近有位網民「幫襯」茶餐廳買麵包及蛋撻時，卻遇上不快事件。這位網民在Facebook群組分享經歷，又批評店員做事「甩漏兼駁嘴挑釁顧客」，不少網民紛紛回應替事主不值，有人更嘲諷道：「係咪以後要講全個包名：唔該要個長情腸仔包，唔長情我唔要㗎！」

港人茶記買麵包遇不快經歷↓ ↓

點擊睇港人茶記買麵包遇不快，被店員1句話惹怒經過

樓主的帖文指出，在茶餐廳買2個麥包、2個叉燒包加1蛋撻，惟店員將其中麥包「俾錯」芝麻豬仔包。

樓主自言本來小事「換咗就OK」，但茶餐廳收銀員向樓主表示：「嗰D唔係麥包係提子包」。

樓主不滿及反問：「價目表及包櫃標籤寫明提子麥包，叫麥包有咩問題？」

樓主又認為對方如果聽不清楚，「都不會塞兩個芝麻豬仔包給客人吧！？」

此時，收銀員再補多一句：「菠蘿包都無菠蘿啦」，令樓主大感「九唔搭八」兼不快！

樓主「幫襯」茶餐廳外賣麵包及蛋撻卻遇上不快事，批評店員做事「甩漏兼駁嘴挑釁顧客」

這位網民在Facebook群組「飲食黑店大全（全港食店質素/價錢/服務關注組）」發文，甫開首即言道：「買幾個麵包無乜服務要求點知都要受氣」。

帖文中寫道，這位事主在茶餐廳購買2個麥包、2個叉燒包及1個蛋撻，惟店員卻取了芝麻豬仔包當作麥包。事主本來認為「小事換咗就OK 」，但收銀員竟表示：「嗰D（啲）唔係麥包係提子包」，隨即惹來事主不滿：「價目表同包櫃標籤係提子麥包，叫麥包有咩問題？」更疑惑如果店員聽不清楚，理應也不會給兩個芝麻豬仔。而最令事主感到不滿的，是收銀員不但取漏蛋撻，更吐出「九唔搭八的反駁」：「菠蘿包都無菠蘿啦」。最後，事主反問：「做事甩漏兼駁嘴挑釁顧客的風格係咪呢間鋪頭的特色呢？」

港人茶記買麵包遇不快經過網民回應：「係咪以後要講全個包名」

點擊睇港人茶記買麵包遇不快，被店員1句話惹怒，網民回應

網民回應：「港式麵包港式服務」。

網民回應：「對付呢啲人要到最尾攪掂哂先好比錢一日未比錢佢都奈你唔何你要求佢換唔換就全部唔要掉頭走比左錢就你要受氣」。

網民回應：「我係你全部都唔要」。

網民回應：「未畀錢就直接走啦，週街都係麵包舖，畀人睇穿你好想食佢啲麵包」。

網民回應：「我買麵包用手指指的」。

網民回應：「振興香港靠晒佢地D服務」。

網民回應：「走得啦！仲買？」。

網民回應：「噢！香港服務態度不成了」。

網民回應：「係咪以後要講全個包名：唔該要個長情腸仔包，唔長情我唔要架！」。

網民回應：「宜家香港飲食業就係咁生存……最好笑就係連做老闆都覺得冇所謂……兼冇問題……點解我咁講……就係我做開嗰間兼職火鍋就係咁……最終只有無奈唔做……」。

網民回應：「業界話請唔到人做，所以伙記大晒客就X，難得老闆可以由伙記趕客兼倒米，莫非D食店老闆漂白錢？」。

網民回應：「有無賣提子包？如無，就一定係麥包，無其它可能。的確麥包正確過提子包。呢d店員你唔好理佢因為我見識過有些人係好無品，搞唔掂。」。

網民回應：「我試過喺面（麵）包鋪買兩個中式熱狗比兩個人，所以同袋包果個人講要兩個袋，佢聽錯咗然後叫人攞兩個蛋（佢有烚蛋賣），然後我講係分兩個袋代兩個包，佢就好悔氣咁自然自語又大大聲咁講，我緊係知兩個袋啦。我呆一呆，提下佢都比人哦？我即時爆佢，成店人都睇到佢面懵懵咁……有時果啲人，多口係諗住你唔會反抗……真係唔使畀面，照鬧得啦！」。

就着事主經歷，不少網民都留言回應，大多數人都替他感不值，並提出一些應對方法：「對付呢啲人，要到最尾攪掂哂先好比錢，一日未比錢，佢都奈你唔何，你要求佢換，唔換就全部唔要掉頭走，比左（咗）錢就你要受氣」、「未畀錢就直接走啦，週街都係麵包舖，畀人睇穿你好想食佢啲麵包」及「我買麵包用手指指的」等。另有部分網民嘲今時今日的服務態度：「港式麵包港式服務」、「依家係香港食百幾蚊野食都無服務，仲要難食」，又笑稱：「係咪以後要講全個包名：唔該要個長情腸仔包，唔長情我唔要！」

圖：飲食黑店大全（全港食店質素/價錢/服務關注組）@Facebook