的士司機載客想去「跛佬炸雞」？司機搲爆頭先估到！網民爆笑：係咪「煎你嚟食」嗰邊？
2024-11-01 00:00 
乘客要求去「跛佬炸雞」？的士司機揭真相超爆笑！近日，有的士司機日前於網上群組分享近日載客時遇到的難題，指有乘客上車後表示想去「跛佬炸雞」，直言聽到之後不明所以，「下！乜嘢炸雞 」，苦思一會兒才猜出真正目的地。有網民搞笑表示：「係咪『煎你嚟食』嗰邊啊？」，更有行家分享曾遇過「處男村」、「煎堆痴腰腰」、「墮威商場」，留言區瞬間變成「超級無敵估街名」！
的士司機遇鄉音客想去「跛佬炸雞」 網民搞笑問：係咪「煎你嚟食」嗰邊
點擊睇的士司機接載鄉音客遇難題：
點擊睇的士司機接載鄉音客遇難題
的士司機每天接載不同客人
與乘客接觸時總會遇到趣事
一位的士司機於網上群組分享近日載客時的難題
有位鄉音大媽上車，並向司機表示......
「師傅，麻煩你，我想去嗰個，跛佬炸雞」
司機一聽難以反應，直言：「吓！乜嘢炸雞」
乘客不厭其煩再次重覆目的地，「跛佬炸雞呀嘛」
司機苦思一輪才明白，原來客人想去的地方是......
位於西環的卑路乍街
有網民對此經歷更爆笑表示：「係咪喺『煎你嚟食』嗰邊啊？」（即堅尼地城）
更有不少的士行家分享過往載客的類似經歷
「師傅唔該你同我去食糖水吖」
真正答案為「石塘咀」
「煎堆痴腰腰，估中你贏」
真正答案為「尖東K11」
「去～隔離搵老豆。。。」
即是為尖沙咀的加連威老道
「師傅我想去墮威商場，我問佢有冇英文，佢同我講呢個咪英文囉」
其實客人想去的是尖沙咀The One商場
「我上次撞到個要去媽呠呠落」
目的地其實是馬可孛羅香港酒店
「今日有遊客上車講 Apple House ，你地又估唔估到」
實情是想去金鐘的奕居「Upper House」
「安美露都試過，真係估死人」
客人想去的是青衣長安邨安湄樓
「有冇試過去處男村」
即是翠林邨
你比張纸同筆叫佢寫比你睇，一定準
港人北上講煲冬瓜咪一樣！
愛我啤酒
我以為係砵甸乍街
佢都好有禮貌吖
黃金海岸變皇崗口岸
超級無敵估街名…
有的士司機近日於網上分享載客趣事，稱遇上一位「鄉音大嬸」乘客上車，又表示想去「跛佬炸雞」，惟事主對目的地毫無頭緒，反問客人：「吓！乜嘢炸雞？」乘客不厭其煩地再次重覆「跛佬炸雞呀嘛！」，最後原來答案是中西區一處地方，司機的奇遇引來網民熱烈討論，更有行家分享類似經歷，「煎堆痴腰腰」、「媽呠呠落」、「處男村」到底是指甚麼地方？點擊上文圖輯睇詳情！
網民搞笑形容：超級無敵估街名
的士司機的載客奇遇令網民爆笑討論，更有人表示下次如果聽不明白，可以試用文字表達，以免雙方「估估吓」，引起不必要的爭論。有網民認為其實今次經歷，其實與港人說不純正普通話般，「愛我啤酒」；亦有網民表示大媽全程頗有禮貌，甚為欣賞。
文：RY
資料來源：的士司機資訊網 Taxi@Facebook
延伸閱讀︰港男遇鄉音內地客問路去「侏儒村」 最終答案令人崩潰 網友爆笑：欣賞佢肯講廣東話
港男遇鄉音內地客問路去「侏儒村」 最終答案令人崩潰 網友爆笑：欣賞佢肯講廣東話
出國去其他地方旅行，由於人生路不熟，少不免要向當地人問路
近日，有港男在社交平台發文，分享自己被內地遊客問路的爆笑經歷
事主稱日前在尖沙咀遇到内地遊客問路，查詢「侏儒村在哪？」
事主起初相當疑惑，更反問内地遊客「香港有這個地方嗎？」
沒想到内地遊客竟表示：「唔會吧，侏儒村都未聽過？」
這回答讓事主百思不得其解，只能問内地遊客是否有目的地照片
内地遊客續向事主展示了一張服裝品牌「G2000」的圖片，才讓樓主恍然大悟
原來内地遊客想去的地方是「G2000」服裝店，由於發音太過相似，才惹來誤會
網民爆笑 留言分享相似經歷
之前比佢哋問知唔知江博士喺邊，我話我唔識呢個人，佢繼續不停話好有名架！江博士呀！
（續）我話真係唔知你講緊邊個，之後佢話綠色嘅……答案是DR.KONG
試過喺海港城比人問「望窗」喺邊 估下係咩？答案係Moncler
我試過畀人問『圓K』喺邊？R晒頭唔知佢講乜。哦！最尾諗到，原來佢想講Circle K
我都遇過幾次，問愛麗小屋係邊，原來係Etude House。 問CD係邊，以為佢問CD鋪，就指係樓上，點知原來係西鐵
咁佢都肯試講廣東話，已經好過一黎就用普通話問，你話唔識佢就嘈：你是中國人嗎？中文都聽不懂？
其實我好多年前都試過完全同一樣嘅經驗，但過咗咁多年，諗番轉頭，其實過門都係客，而客人黎到，用我哋嘅語言去問路，其實係對當地嘅一種尊重
換轉我們香港人返內地講普通話，對方一樣聽不懂想笑，但值得讚許佢肯放下自己母語跟你說廣東話同有禮貌
肯講廣東話已經好值得欣賞了，講得正唔正係其次啦
關鍵字
最新回應