父喪子悲痛「知要落井，打死唔佢做」

「以為渠務只是清理表面的渠務，如果要落（沙）井，我打死唔畀佢做！」其中一名死者李凱威，與父母及胞弟同住馬鞍山一屋邨。其父昨凌晨接獲噩耗，趕往醫院惜與愛兒天人永隔。李父表示只知道兒子做渠務，惟不知他要落沙井工作。
疑兩人無配備呼吸器具

進入沙井工作期間疑吸入硫化氫致命的李凱威（34歲）「阿威」，與父母及胞弟同住馬鞍山一屋邨，其弟亦已出身工作。本來一家四口平凡過活，豈料凱威英年早逝，白頭人送黑頭人，李父一臉無奈。李父質疑兒子的主管未有做足安全檢查，測量沙井內有毒氣體含量，又懷疑兒子與另一名死者未有配備呼吸器具。另外，事故後渠務署發聲明該工程不需落井工作，他冀能得知兩人落井原因，他希望負責人可作出解釋。

李父指，兒子在涉事公司做渠務一年多，「佢初初做三行，話要擒出棚架，又唔戴得安全帶，我話咁你唔好做啦，寧願搵過第二份工，我話唔係等你錢使。」李父稱兒子性格內向，一放工便回家，「佢唔出街，一個月最多去一、兩次，都係同以前啲工友或者同學出去。」一日三餐也是家人替他買，每月會給數千元家用。又稱兒子工作勤力，即使帶病也要上班，「以前做職業訓練，即使病咗都堅持返工。」 

至於另一名26歲死者郭梓賢「阿賢」，其家人表示等待警方調查結果，暫不接受訪問。消息稱，工程大判稍後將面見兩名死者家屬，並給予一筆恩恤金作緊急支援，及後再與保險公司等持份者，商討有關賠償事宜。