遺屬怒斥罔顧安全 「成件事係謀殺」

安達臣道房協地盤前年發生塌天秤釀成3死6傷慘劇，死者家屬對事件至今仍未釋懷，其中兩名死者分別為25歲的徐學培及22歲的潘浩鈺，其家屬昨晚接受《星島》訪問重申事故「直頭係謀殺嚟，唔係打颱風，唔係吊得重過頭，而係成個基座拗斷」，坦言目前希望警方及政府能徹查，查出事實真相，「給全香港市民一個嚴肅嘅真相」。
「給全香港市民一個真相」

徐學培的父親表示，家人想起學培時仍會感到傷感，心情不好受，「捱咗6年佢終於做到工程師喇，但居然發生意外，真係好傷感，平日我哋盡量都唔提起（學培），避免觸景傷情」。對於警方昨日拘捕地盤總承建商時任項目經理，徐爸爸稱雖然「遲咗少少」，但明白警方搜證需時，不是一時三刻可以做到。

本身任職工程界的徐爸爸透露，事發當日曾到現場了解，認為現場有多處地方不合理，「點解可以咁加工，加少少都可能會影響個結構，同埋乜嘢叫目測，而家呢個年代有晒儀器可以做測試，支天秤咁樣冧落嚟，真係唔可以講話係意外囉，如果嗰陣係放飯時間，可能仲有更多人命傷亡，更加多家庭受影響」。

另一死者22歲的潘浩鈺，在地盤任職工程師助理。潘媽媽對失去愛兒至今仍未釋懷，受訪期間不禁啜泣，「我個仔得22歲㗎咋，讀咗3年IVE出嚟，喺間公司實習咗幾個月，派到去呢個地盤得做咗4個月」，她直言「成件事係謀殺！我非常贊同徐爸爸睇法，一個全新天秤，由設計、力學、承重量，然後到安裝、檢測、第三方……涉及好多環節，如果有一兩人出嚟懷疑，覺得佢唔妥，甚至認真做過檢測，唔會有呢件事發生」，直斥精進罔顧安全。

其餘一名死者41歲電工許文明，遺孀許太因患未期乳癌，不幸於去年10月離世，遺下一對年幼女兒交由爺爺和姑媽照顧，工業傷亡權益會總幹事蕭倩文透露，本月初許太蔣惠的遺體在工權會陪同下，送返內地家鄉柳州安葬，一對女兒在母親墳前送別，表現傷心。