樂●活｜新店新驚喜

唔知大家有冇覺得，只要隔一陣子冇去一個地方，就會發現原來某店已經搬走，換上另一間新店，甚至發現原來又有新品牌。

好似最近路經金鐘，就發現唔少驚喜！好似主打香港製造餅食嘅皇玥除咗喺金鐘廊Lab Concept開設第28間分店之外，更在比鄰嘅鋪位開設開設全新定位、專門為打造兒童健康食品嘅嶄新品牌明玥.

明玥由米芝蓮星級主廚團隊主理，由食材、外形、口味、口感，以至產品設計及包裝，都以孩子嘅角度出發，滿足孩子嘅胃口及營養需求。最吸引小朋友嘅當然少不了糖果，兒童系列皇牌就有天然水果軟糖，以來自法國嘅天然果蓉及海藻糖，全手工製作而成的天然軟糖，有士多啤梨、青檸、熱情果、奇異果、橘子、雜莓、黃香李、芒果8款口味，以天然果蓉炮製成嘅糖果，色彩吸引，且絕無人造色素、香料及防腐劑。天然嘅水果蘊含豐富維他命及營養素，如士多啤梨，維他命A和C含量極高，比柑橘果類具有更高維他命；熱情果就含有維他命A、C、鎂、磷、鐵、鋅。奇異果含有豐富維他命C比蘋果高10倍，並含氨基酸、葉酸、鎂等等。

糖果以外，仲有用上有機麵粉炮製而成嘅森林動物曲奇系列，以有趣可愛嘅動物造型，配上牛油、芝士、朱古力、榛子燕麥、蕃茄、紅菜頭草莓、粟米片及蔬菜味8款口味嘅曲奇。曲奇嘅口味特別，有坊間少見的蔬菜味及紅菜頭草莓，前者以椰菜、西蘭花及紫菜炮製，含豐富營養素，同時不減美味；紅菜頭亦是少用作曲奇的食材，配上草莓，味道格外清新。

另外仲有以有機蔗糖炮製而成嘅蝴蝶酥，更有原味及檸檬綠茶可供選擇。至於香濃朱古力系列就有脆香榛子朱古力豆及脆香杏仁朱古力豆；脆香果仁系列就有甜脆焦糖榛子粒、甜脆焦糖杏仁粒、甜脆焦糖夏威夷果仁粒。

除咗糖果、餅食外，明玥更推出中秋月餅系列，而且仲係限量發售嘅水果口味月餅。當中有包括以柑桔奶黃月餅、蔓越莓月餅、鳳梨月餅及紫甘薯月餅。四款口味的月餅不但味道配搭新鮮，而且造型亦別出心裁，以精緻可愛的水果形狀 ─ 柑桔、蔓越莓、鳳梨及紫甘薯的圖案，呈現在餅皮上，為月餅加添充滿童真可愛嘅感覺。明玥雙色月餅禮盒（柑桔奶黃月餅及蔓越莓月餅各3件）及明玥四色月餅禮盒（柑桔奶黃月餅、蔓越莓月餅、鳳梨月餅、紫甘薯月餅各2件），其包裝外盒以珍珠色澤配以雕刻通花設計，更加入清雅嘅荷花、可愛嘅免仔、美麗嘅花卉圖案等設計，象徵中秋美好嘅意境。由即日起至6月30日期間於明玥新店購買任何產品淨額滿$300，即可享$50現金折扣優惠。

位於金鐘廊Lab Concept嘅另一新店就係來自新加坡嘅生活家居品牌IUIGA。分店佔地約1,600 方呎，店鋪設計沿用突顯品牌概念嘅大地色系美學，透過原木質感裝潢及迷人花藝為店內陳列抹上恰到好處嘅點綴，詮釋出帶有溫度嘅簡約精緻。新店有齊個人護理、廚房家具、精緻餐具至寢飾擺等唯美家品，但有別於將軍澳本店以照料家庭和家居幸福感為主題，金鐘店更着重滋潤所有人的休閒生活品質，透過更多華而不貴的品質小物提升生活小確幸。

喺店內可以搵到IUIGA精心調配嘅多款嘅香水套裝，好似Bloom - 香甜花果調香水、Luxe - 水生花香調香水等，並配有便於攜帶嘅旅行裝噴霧，讓大家可隨心情與旅程選擇當天嘅香調。另外，仲有無綫自動捲髮器，用上PCR加熱技術，可在 30 秒內快速輕鬆地加熱，同時保持恆溫，配備 3 種溫度模式，適用於不同的頭髮類型。專為護膚品和化妝品而設的10℃恒溫「保鮮空間」，能保持最有效保存護膚品嘅最佳溫度， 讓美容美妝品發揮最大功效，而全方位密封的櫃身能阻隔細菌和灰塵，預防細菌滋生。

設於核心商廈林立嘅金鐘，當然唔少得一系列 辦公室必備小物，好似由食品級安全矽膠製成、100%不含 BPA及無毒，備有莫迪蘭灰色及淡粉色嘅矽膠折疊杯，以及智能控溫咖啡壺，內置嘅智能溫度傳感器可感應每1℃溫度的改變，喺忙碌的辦工時間也好輕鬆煮好一壺恰到好處嘅咖啡或茶。。

至於日本大阪蛋糕及甜品品牌Mon cher最近就於屯門市廣場開設品牌第一間獨立新店，並推出以期間限定嘅日本山形縣白桃為主角，製成堂島卷及甜品，將白桃甘甜多汁、果肉香軟，入口即溶的當季滋味呈現。日本山形縣白桃堂島卷用了整個日本直送到港嘅山形縣白桃，堂島卷內扎實地裹着粒粒白桃果肉，內層是特製濃郁嘅香滑白桃忌廉夾心，卷上亦以厚切白桃果肉、原味忌廉唧花及小花朱古力配件相間作裝飾。另外，新店限定甜品—日本山形縣白桃Happy Pouch就以蜜桃粉紅造型示人，粉紅千層皮內裹著原味蛋糕、香甜白桃醬、濃滑原味忌廉及多汁白桃，頂部再以白桃果肉點綴，傾情演繹甘甜多汁的白桃滋味。除推出限定產品外，由即日起至6月30日，追蹤並分享Mon cher Facebook或Instagram專頁相關帖文，截圖作紀錄並於光臨屯門市廣場店時向店員展示便可即享85折優惠；由6月24日至26日每日下午3點後頭50名顧客可以半價優惠購買大阪堂島卷一條，先到先得。

作者：Laurie Wu（愛保健愛旅遊愛購物的熟女）
[email protected]