乐●活｜新店新惊喜

唔知大家有冇觉得，只要隔一阵子冇去一个地方，就会发现原来某店已经搬走，换上另一间新店，甚至发现原来又有新品牌。

好似最近路经金钟，就发现唔少惊喜！好似主打香港制造饼食嘅皇玥除咗喺金钟廊Lab Concept开设第28间分店之外，更在比邻嘅铺位开设开设全新定位、专门为打造儿童健康食品嘅崭新品牌明玥.

明玥由米芝莲星级主厨团队主理，由食材、外形、口味、口感，以至产品设计及包装，都以孩子嘅角度出发，满足孩子嘅胃口及营养需求。最吸引小朋友嘅当然少不了糖果，儿童系列皇牌就有天然水果软糖，以来自法国嘅天然果蓉及海藻糖，全手工制作而成的天然软糖，有士多啤梨、青柠、热情果、奇异果、橘子、杂莓、黄香李、芒果8款口味，以天然果蓉炮制成嘅糖果，色彩吸引，且绝无人造色素、香料及防腐剂。天然嘅水果蕴含丰富维他命及营养素，如士多啤梨，维他命A和C含量极高，比柑橘果类具有更高维他命；热情果就含有维他命A、C、镁、磷、铁、锌。奇异果含有丰富维他命C比苹果高10倍，并含氨基酸、叶酸、镁等等。

糖果以外，仲有用上有机面粉炮制而成嘅森林动物曲奇系列，以有趣可爱嘅动物造型，配上牛油、芝士、朱古力、榛子燕麦、蕃茄、红菜头草莓、粟米片及蔬菜味8款口味嘅曲奇。曲奇嘅口味特别，有坊间少见的蔬菜味及红菜头草莓，前者以椰菜、西兰花及紫菜炮制，含丰富营养素，同时不减美味；红菜头亦是少用作曲奇的食材，配上草莓，味道格外清新。

另外仲有以有机蔗糖炮制而成嘅蝴蝶酥，更有原味及柠檬绿茶可供选择。至于香浓朱古力系列就有脆香榛子朱古力豆及脆香杏仁朱古力豆；脆香果仁系列就有甜脆焦糖榛子粒、甜脆焦糖杏仁粒、甜脆焦糖夏威夷果仁粒。

除咗糖果、饼食外，明玥更推出中秋月饼系列，而且仲系限量发售嘅水果口味月饼。当中有包括以柑桔奶黄月饼、蔓越莓月饼、凤梨月饼及紫甘薯月饼。四款口味的月饼不但味道配搭新鲜，而且造型亦别出心裁，以精致可爱的水果形状 ─ 柑桔、蔓越莓、凤梨及紫甘薯的图案，呈现在饼皮上，为月饼加添充满童真可爱嘅感觉。明玥双色月饼礼盒（柑桔奶黄月饼及蔓越莓月饼各3件）及明玥四色月饼礼盒（柑桔奶黄月饼、蔓越莓月饼、凤梨月饼、紫甘薯月饼各2件），其包装外盒以珍珠色泽配以雕刻通花设计，更加入清雅嘅荷花、可爱嘅免仔、美丽嘅花卉图案等设计，象徵中秋美好嘅意境。由即日起至6月30日期间于明玥新店购买任何产品净额满$300，即可享$50现金折扣优惠。

位于金钟廊Lab Concept嘅另一新店就系来自新加坡嘅生活家居品牌IUIGA。分店占地约1,600 方尺，店铺设计沿用突显品牌概念嘅大地色系美学，透过原木质感装潢及迷人花艺为店内陈列抹上恰到好处嘅点缀，诠释出带有温度嘅简约精致。新店有齐个人护理、厨房家具、精致餐具至寝饰摆等唯美家品，但有别于将军澳本店以照料家庭和家居幸福感为主题，金钟店更着重滋润所有人的休闲生活品质，透过更多华而不贵的品质小物提升生活小确幸。

喺店内可以搵到IUIGA精心调配嘅多款嘅香水套装，好似Bloom - 香甜花果调香水、Luxe - 水生花香调香水等，并配有便于携带嘅旅行装喷雾，让大家可随心情与旅程选择当天嘅香调。另外，仲有无綫自动卷发器，用上PCR加热技术，可在 30 秒内快速轻松地加热，同时保持恒温，配备 3 种温度模式，适用于不同的头发类型。专为护肤品和化妆品而设的10℃恒温「保鲜空间」，能保持最有效保存护肤品嘅最佳温度， 让美容美妆品发挥最大功效，而全方位密封的柜身能阻隔细菌和灰尘，预防细菌滋生。

设于核心商厦林立嘅金钟，当然唔少得一系列 办公室必备小物，好似由食品级安全矽胶制成、100%不含 BPA及无毒，备有莫迪兰灰色及淡粉色嘅矽胶折叠杯，以及智能控温咖啡壶，内置嘅智能温度传感器可感应每1℃温度的改变，喺忙碌的办工时间也好轻松煮好一壶恰到好处嘅咖啡或茶。。

至于日本大阪蛋糕及甜品品牌Mon cher最近就于屯门市广场开设品牌第一间独立新店，并推出以期间限定嘅日本山形县白桃为主角，制成堂岛卷及甜品，将白桃甘甜多汁、果肉香软，入口即溶的当季滋味呈现。日本山形县白桃堂岛卷用了整个日本直送到港嘅山形县白桃，堂岛卷内扎实地裹着粒粒白桃果肉，内层是特制浓郁嘅香滑白桃忌廉夹心，卷上亦以厚切白桃果肉、原味忌廉唧花及小花朱古力配件相间作装饰。另外，新店限定甜品—日本山形县白桃Happy Pouch就以蜜桃粉红造型示人，粉红千层皮内裹著原味蛋糕、香甜白桃酱、浓滑原味忌廉及多汁白桃，顶部再以白桃果肉点缀，倾情演绎甘甜多汁的白桃滋味。除推出限定产品外，由即日起至6月30日，追踪并分享Mon cher Facebook或Instagram专页相关帖文，截图作纪录并于光临屯门市广场店时向店员展示便可即享85折优惠；由6月24日至26日每日下午3点后头50名顾客可以半价优惠购买大阪堂岛卷一条，先到先得。

作者：Laurie Wu（爱保健爱旅游爱购物的熟女）
[email protected]