樂●活｜香港情懷 本地文創

喺灣仔區開業45年歷史嘅傳統餅店「快樂餅店」宣布下周二（8月2日）結業又少一個有着傳統紅字招牌、花磚牆及紙皮石地板……充滿舊香港情懷嘅老店。

致力將傳統文化結合現代生活，推廣可持續發展概念嘅利奧坊，由即日起至8月31日舉行「尋找快樂因子」活動，邀得本地人氣插畫師Messy Desk將經典紅A品牌嘅招牌產品，打造成巨型亮麗嘅燈罩及漏斗櫈，並注入AR 互動元素，讓大眾發掘箇中蘊藏的趣味。本地插畫師Messy Desk嘅作品一向以色彩斑斕、充滿細節、歡樂及希望而備受青睞，是次「尋找快樂因子」嘅創作，首次將本地經典的產品，透過玩味繽紛嘅設計，巧妙地注入合作機構「香港遺傳性乳癌家族資料庫」嘅訊息，為傳統的產品賦以全新的面貌，散發快樂因子。

場內有巨型嘅燈罩及漏斗櫈打卡裝置矗立在商場地下，其中燈罩直徑3米、高2米，非常矚目。除可與兩大裝置打卡外，市民只需用智能電話掃描場內嘅QR code，便可即時走入畫作中，與隱藏在內的主角人物拍照，帶來互動趣味的驚喜 。

商場更在7月30、31日、8月6、7日舉行傳統x新造尋找快樂因子市集，設有約30個本地品牌嘅特色攤位，當中包括多個本土傳統工藝融入破格元素嘅新品，營造無盡驚喜的樂趣。當中包括紅Ａ塑膠品牌嘅經典及生活時尚產品、活字印刷工藝嘅紙製作品、趣味環保玻璃擺設、嶄新口味蝦子麵等，不但可緬懷舊有設計的集體回憶，亦可體驗創新元素嘅心思。在市集舉行期間，利奧坊將推出連串限時優惠，憑完成指定程序，即有機會換領Messy Desk 設計的慈善限量禮品、商場的禮品、市集現金券及商戶優惠券等。

此外，人像攝影獲獎達人「千紅」將會在場內舉辦期間限定攝影班，分享人像拍攝的技巧，課堂上亦會教授如何將舊有相機鏡頭蓋，重新改造成一部獨一無二的針孔相機。（報名）

仲夏文創市集繼早前於屯門市廣場舉行，即日至8月7日會喺荃新天地舉行，而第三站就會喺8月10至22日移師至奧海城舉行。市集集合本地原創品牌嘅飾品及生活提案小物外，更會於周末舉行手作工作坊，熱愛手工創作嘅朋友開拓任意穿梭場內手作工作坊，憑入場證可於3小時內任玩6款指定工作坊，從8位本地人氣手作品牌主理人身上學習不同範疇的藝術創作技巧，一次過體驗各式各樣嘅創意手作，包括從十六型人格製作個人特色山系編織手袋嘅山系編織工作坊、升級牛仔圍巾工作坊、藍曬手扇工作坊、雙層香薰石擴散器工作坊等。

本地手作品牌如雨後春荀，羅氏集團旗下品牌「香港掂檔」早前舉行嘅十大匠人選舉2021公布了多個獎項嘅得主，各個勝出單位不但會獲得現金獎，還有獎品及寄賣機會。「香港掂檔」由即日至8月28日喺D2 Place二期地下辦公室大堂舉行「十大匠人紀錄展」，紀錄歷來三屆「十大匠人選舉」得獎匠人嘅故事，表彰佢哋付出嘅努力，包括本地清水模水泥藝術品牌Shabibi Sheep Workshop和知名塗鴉藝術家Jasontommy等匠人。

早於1969年成立嘅香港女青年商會多年來積極支持社區發展及成長，透過多元化嘅培養技能和參與慈善活動，積極地履行社會服務責任。今年香港女青年商會以反歧視Label  Labelling為主題，以一種開玩笑嘅方式去呈現，讓大眾學習用輕鬆的態度去面對不同的人和事，不需要太在意別人的看法，因為每個人也唔同，我就是我。

今年活動嘅閉幕典禮將於8月6日舉行，並邀得Sherman鍾舒漫、小肥、Judas羅凱鈴、3   FLOW、Winky梁詠祈、Gordon葉泓聲、大台主Monkey薛德勇、大台主RUMBU蘇祈軒透過音樂作分享，一起用不同角度了解世界，建立共融社會。（購片報名）

作者：Laurie Wu（愛保健愛旅遊愛購物的熟女）
[email protected]